କୋହିମା: ୨୦୨୧ରେ ୧୩ଜଣ ସାଧାରଣ ନାଗରିକଙ୍କୁ ମାରିବା ଅଭିଯୋଗରେ ୨୦ଜର ଯବାନଙ୍କ ବିରୋଧରେ ମାମଲା ରୁଜୁ କରିଛି ସ୍ଥାନୀୟ ପୋଲିସ । ଏଥିରେ ଜଣେ ସେନା ଅଧିକାରୀ ସାମିଲ ଅଛନ୍ତି । ଡିସେମ୍ବର ୪ରେ ଯବାନ ଗୁଳିରେ ୧୩ ସାଧାରଣ ନାଗରିକଙ୍କ ମୃତ୍ୟୁ ଘଟିଥିଲା । ମ୍ୟାନମାର ସୀମା ନିକଟବର୍ତୀ ଅଂଚଳରେ ଗୋଇନ୍ଦା ବିଭାଗର ଭୁଲ ସୂଚନା ଯୋଗୁ ଏହି ନାରକୀୟ କାଣ୍ଡ ଘଟିଥିଲା ।
ତୀବ୍ର ଜନ ଅସନ୍ତୋଷ ପରେ ନାଗାଲାଣ୍ଡ ସରକାର ଏକ ଏସଆଇଟି ଗଠନ କରିଥିଲେ । ଏବେ ଯବାନ ବିରୋଧରେ ଚାର୍ଜଶିଟ ଦାଖଲ କରାଯାଇଛି । ସେନା ପକ୍ଷରୁ ମଧ୍ୟ ଏହି ଘଟଣା ନେଇ ଶୋକ ବ୍ୟକ୍ତ କରାଯାଇଥିଲା । ଘଟଣାର ଉଚ୍ଚସ୍ତରୀୟ ତଦନ୍ତ କରାଯାଉଛି ଦୋଷୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସେନା ପକ୍ଷର କୁହାଯାଇଛି ।