ପୋଲିସର ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ନିଜ ଜୀବନକୁ ପାଣିରେ ପକାଇ ଆମକୁ ସୁରକ୍ଷା ଦେଇଥାନ୍ତି । ତଥାପି ଜଣେ ପୋଲିସ କର୍ମଚାରୀ ସାଧାରଣ ବ୍ୟକ୍ତି ପରି କିଛି କାମ କରୁଥିବା ଦେଖାଯାଏ । ଏବେ କିଛି ପୋଲିସ କର୍ମଚାରୀ ୟୁନିଫର୍ମରେ ରିଲ୍ସ କରୁଥିବା ଏକ ଭିଡ଼ିଓ ଭାଇରାଲ ହେବାରେ ଲାଗିଛି ।
ରବି ରାଜ ନାମକ ଜଣେ ପୋଲିସ୍ ଅଧିକାରୀ ତାଙ୍କ ଇନଷ୍ଟା ଆକାଉଣ୍ଟରେ ଏହି୍ ରିଲ୍ସ ଅପଲୋଡ଼ କରିଛନ୍ତି । ୩ ଜଣ ପୋଲିସ କର୍ମଚାରୀ ରାତିରେ ଡ଼୍ୟୁଟି କରୁଛନ୍ତି । ଟିକେ ଫ୍ରି ସମୟରେ ସେମାନେ ରିଲ୍ସ ବନାଇଛନ୍ତି । ଯାହାକୁ ଲୋକେ ଖୁବ୍ ପସନ୍ଦ କରିଛନ୍ତି । ଭିଡ଼ିଓରେ ଦେଖିବାକୁ ମିଳିଛି ଯେ, ରବି ରାଜ ମଝିରେ ଥିବା ବେଳେ ତାଙ୍କର ଦୁଇ ପଟେ ଅନ୍ୟ ପୋଲିସ କର୍ମଚାରୀ ଅଛନ୍ତି । ୩ ଜଣ ଯାକ ପୋଲିସ ୟୁନିଫର୍ମରେ ଅଛନ୍ତି । ଆଉ ପଛରେ ପାଟ୍ରୋଲିଂ ଗାଡ଼ି ମଧ୍ୟ ଠିଆ ହୋଇଥିବା ନଜର ଆସିଛି । ଏଥିରେ ରବି ବାଦଶାହ ଫିଲ୍ମର ଗୀତରେ ରିଲ୍ସ କରୁଛନ୍ତି । ତାଙ୍କର ଅଭିନୟକୁ ଲୋକେ ଖୁବ ପସନ୍ଦ କରୁଛନ୍ତି ।
ଏହି ଭିଡ଼ିଓ ଦେଖିବା ପରେ ଅନେକ ଭିନ୍ନ ଭିନ୍ନ ମତ ଦେଇଛନ୍ତି । ୟୁନିଫର୍ମରେ ଏପରି ରିଲ୍ସ କଲେ ଚାକରି ହରାଇବାକୁ ପଡିପାରେ ବୋଲି କେହି କେହି କହିଛନ୍ତି ।
Comments are closed.