ରାଉରକେଲା: ରାଉରକେଲାରେ ବଡ ଧରଣର ଚୋରା ବାଣ ଜବତ ହୋଇଛି । ଡେଲି ମାର୍କେଟର ଦୁଇଟି ସ୍ଥାନରୁ ବାଣ ଜବତ କରାଯାଇଛି । ଘଟଣାସ୍ଥଳରେ ରାଉରକେଲା ପ୍ଲାଣ୍ଟ ସାଇଟ୍ ପୋଲିସ ଚଢାଉ କରି ଚୋରା ବାଣ ଜବତ କରିଛି। ଜବତ ବାଣର ମୂଲ୍ୟ ପ୍ରାୟ ୧୫ରୁ ୨୦ ଲକ୍ଷ ଟଙ୍କା ହେବ ବୋଲି ଜଣାପଡିଛି । ଦୁଇ ବ୍ୟବସାୟୀ ଅଜୟ ଗୁପ୍ତା ଓ ରାକେଶ ଅଗ୍ରୱାଲଙ୍କୁ ପ୍ଲାଣ୍ଟ ସାଇଟ୍ ପୋଲିସ ଅଟକ ରଖିଥିବା ସୂଚନା ମିଳିଛି ।
ଦୁଇ ଜଣ ବ୍ୟବସାୟୀ ବେଆଇନ ଭାବରେ ଦୀପାବଳିରେ ବ୍ୟବସାୟ କରିବା ପାଇଁ ବାଣ ଗଚ୍ଛିତ ରଖିଥିଲେ । ଖବର ପାଇ ପ୍ଲାଣ୍ଟ ସାଇଟ୍ ପୋଲିସ ଚଢାଉ କରିଥିଲା। ସହରରେ କେଉଁମାନେ ବେଆଇନ ବାଣ ଗଚ୍ଛିତ ରଖିଛନ୍ତି ରାଉରକେଲା ପୋଲିସ ତାର ତଦନ୍ତ କରୁଛି ।