ମୁମ୍ବାଇ: ନିକଟରେ ରିଲିଜ୍ ହୋଇଥିଲା ସଲମାନ ଖାନ୍ଙ୍କ ଅଭିନିତ ଫିଲ୍ମ ‘କିସି କା ଭାଇ କିସି କି ଜାନ’ । ଏଥିରେ ସଲମାନଙ୍କ ନାୟିକା ସାଜିଥିଲେ ସାଉଥ୍ ଅଭିନେତ୍ରୀ ପୂଜା ହେଗ୍ଡ଼େ । ଏହି ଫିଲ୍ମରେ ଅଭିନୟ କରିବା ପରେ ପୂଜାଙ୍କ ଚାହିଦା ଖୁବ୍ ବଢିଯାଇଛି । କେବଳ ସେତିକି ନୁହେଁ, ତାଙ୍କ ପ୍ରଶଂସକଙ୍କ ସଂଖ୍ୟା ମଧ୍ୟ ବୃଦ୍ଧି ପାଇଛି ।
ନିକଟରେ ଏକ ସାକ୍ଷାତ୍କାରରେ ପୂଜା କହିଥିଲେ ଯେ, ମାଧୁରୀ ଦୀକ୍ଷିତ୍ ମାଡାମ୍ ମୋ ନାଁ ଜାଣିଛନ୍ତି । ଦିନେ ସେ ମୋତେ ମୋ ନାଁ ଧରି ଡାକିଥିଲେ, ତାହା ଥିଲା ମୋ ପାଇଁ ସବୁଠୁ ଖୁସିର ଦିନ । ଦିନେ ଏକ କାର୍ଯ୍ୟକ୍ରମରେ ମାଧୁରୀ ମାଡ଼ାମ୍ଙ୍କ ସହ ଭେଟ ହୋଇଥିଲା । ମୁଁ ତାଙ୍କୁ ହାଏ କହିବା ପରେ ସେ ମଧ୍ୟ ମୋତେ ହାଏ ପୂଜା ବୋଲି କହିଥିଲେ । ଏହା ଶୁଣିବା ପରେ ମୁଁ ବହୁତ ଖୁସି ହୋଇଥିଲି । ଏତେ ବଡ଼ ଅଭିନେତ୍ରୀ ମୋତେ ଚିହ୍ନିଛନ୍ତି ଓ ମୋ ନାଁ ମନେ ରଖିବା ମୋ ପାଇଁ ଗର୍ବର କଥା ।
ପୂଜା ୨୦୧୬ରେ ଅଭିନେତା ହ୍ରିତିକ୍ ରୋଶନଙ୍କ ସହ ଫିଲ୍ମ ‘ମହେଞ୍ଜୋଦାରୋ’ରେ ବଲିଉଡ୍ରେ ଡେବ୍ୟୁ କରିଥିଲେ । ଏଥିସହିତ ସେ ଅନେକ ସାଉଥ୍ ଫିଲ୍ମ ମଧ୍ୟ କରିଛନ୍ତି ।
Comments are closed.