ମୁମ୍ବାଇ: ଫିଲ୍ମ ‘ଆଦିପୁରୁଷ’କୁ ନେଇ ସାଉଥ ସୁପରଷ୍ଟାର ପ୍ରଭାସ ଏବେ ଖୁବ୍ ଚର୍ଚ୍ଚାରେ ରହିଛନ୍ତି । କିଛି ଦିନ ତଳେ ପ୍ରଭାସଙ୍କର ଅଭିନେତ୍ରୀ କ୍ରିତି ସାନନଙ୍କ ସହ ସମ୍ପର୍କ ଥିବା ନେଇ ଚର୍ଚ୍ଚା ଜୋର ଧରିଥିଲା । ହେଲେ ଏହି ଗୁଜବକୁ ପ୍ରଭାସ ନିଜେ ଖଣ୍ଡନ କରିଥିଲେ । ହେଲେ ଏବେ ସେ ତାଙ୍କ ବିବାହକୁ ନେଇ ପୁଣି ଥରେ ଚର୍ଚ୍ଚାକୁ ଆସିଛନ୍ତି । ସେ ଖୁବ୍ଶୀଘ୍ର ତିରୁପତିରେ ବିବାହ କରିବେ ବୋଲି ସ୍ପଷ୍ଟ କରିଛନ୍ତି ।
ସୋମବାର ପ୍ରଭାସ ତିରୁପତି ମନ୍ଦିର ପରିଦର୍ଶନରେ ଯାଇଥିବା ବେଳେ ସାମ୍ବାଦିକମାନେ ତାଙ୍କ ବିବାହ ସଂପର୍କରେ ପଚାରିବାରୁ ସେ କହିଥିଲେ ଯେ, ସେ ଖୁବ୍ଶୀଘ୍ର ତିରୁପତିରେ ହିଁ ବିବାହ କରିବେ । ସେ କାହାକୁ ବିବାହ କରିବେ ଓ କେବେ କରିବେ ସେ ସଂପର୍କରେ କିଛି କହିନାହାନ୍ତି । ବିବାହ ଖବର ଶୁଣି ତାଙ୍କ ପ୍ରଶଂସକମାନେ ଉତ୍ସାହିତ ହୋଇପଡ଼ିଛନ୍ତି । ତେବେ ବିବାହକୁ ନେଇ ପ୍ରଭାସଙ୍କର ଏଭଳି ମନ୍ତବ୍ୟ ସୋସିଆଲ ମିଡ଼ିଆରେ ଭାଇରାଲ୍ ହେବାରେ ଲାଗିଛି ।
Comments are closed.