ମୁମ୍ବାଇ: ଲୋକପ୍ରିୟ ନିର୍ଦ୍ଦେଶକ ନାଗ ଅଶ୍ୱିନ ଜାପାନୀ ପ୍ରଶଂସକଙ୍କ ଠାରୁ ପାଇଥିବା ପ୍ରେମରେ ବିଭୋର ହୋଇପଡିଛନ୍ତି । ନାଗ ଅଶ୍ୱିନଙ୍କ ନିର୍ଦ୍ଦେଶି ବ୍ଲକବଷ୍ଟର ‘କଲ୍କି-୨୮୯୮ ଏଡି’ ଜାନୁୟାରୀ ୩, ୨୦୨୫ ରେ ଜାପାନରେ ଏହାର ଭବ୍ୟ ମୁକ୍ତିଲାଭ ପାଇଁ ପ୍ରସ୍ତୁତ ହୋଇଛି । ଏହି ଚଳଚ୍ଚିତ୍ରକୁ ଜାପାନୀ ପ୍ରଶଂସକଙ୍କଠାରୁ ମିଳିଥିବା ଭଲପାଇବା ପାଇଁ ନିର୍ଦ୍ଦେଶକ ନାଗ ଅଶ୍ୱିନ ହୃଦୟରୁ କୃତଜ୍ଞତା ଜଣାଇଛନ୍ତି । ପ୍ରିମିୟର ପୂର୍ବରୁ ମଧ୍ୟ ମିଳିଥିବା ଅବିଶ୍ୱସନୀୟ ପ୍ରତିକ୍ରିୟା ସହିତ ଫିଲ୍ମର ଅନ୍ତର୍ଜାତୀୟ ଡେବ୍ୟୁ ପାଇଁ ଉତ୍ସାହ ଚରମ ସୀମାରେ ।
ନାଗ ଅଶ୍ୱିନ ସୋସିଆଲ ମିଡିଆରେ ଏକ ଅତ୍ୟନ୍ତ ସ୍ପର୍ଶକାତର ପୋଷ୍ଟ ସେୟାର କରିଛନ୍ତି, ଯେଉଁଥିରେ ଜାପାନୀ ପ୍ରଶଂସକଙ୍କ ଚିଠିର ଫଟୋ ରହିଛି, ସେମାନଙ୍କ ମଧ୍ୟରୁ କେତେକ ତେଲୁଗୁ ସ୍କ୍ରିପ୍ଟରେ ଲେଖିବା ପାଇଁ ଚେଷ୍ଟା କରିଥିଲେ । ଫଟୋ ସହିତ, ସେ ଏକ ଭାବପ୍ରବଣ ନୋଟ୍ ମଧ୍ୟ ସେୟାର କରିଛନ୍ତି, “ମୁଁ କ୍ୱଚିତ୍ ଭାବୁକ ହୋଇାଏ… କିନ୍ତୁ ଜାପାନୀ ପ୍ରେମ ସେପରି ଅଟେ” । ସେ ତେଲୁଗୁ ସ୍କ୍ରିପ୍ଟରେ ଶିଖିଥିଲେ ଏବଂ ଲେଖିଥିଲେ । ସମସ୍ତଙ୍କୁ ମୋର ଭଲପାଇବା, ଅରିଗାତୋ ଗୋଜାଇମାସ୍ ‘କଲ୍କି-୨୮୯୮ ଏଡି’ ଦେଖିବା ପାଇଁ ଆଉ ବେଶି ଆପଣ ମାନଙ୍କୁ ଅପେକ୍ଷା କରିବାକୁ ପଡିବନି ।
ଆହୁରି ମଧ୍ୟ ନିର୍ମାତାମାନେ ଏକ ଭିଡିଓ ପୋଷ୍ଟ କରି ଫିଲ୍ମର ଚମତ୍କାର ଭବିଷ୍ୟତ ଜଗତର ଝଲକ ଦର୍ଶାଇଛନ୍ତି । ସେ ଏହାର କ୍ୟାପସନ୍ ଦେଇଛନ୍ତି: ଆପଣଙ୍କର ପ୍ରେମକୁ କେହି ପରାସ୍ତ କରିପାରିବେ ନାହିଁ । ବାସ୍ତବରେ ଅଭିଭୁତ । ବୈଜୟନ୍ତୀ ଚଳଚ୍ଚିତ୍ର ଦ୍ୱାରା ନିର୍ମିତ ଏବଂ ନାଗ ଅଶ୍ୱିନଙ୍କ ନିର୍ଦ୍ଦେଶିତ ତଥା ଅମିତାଭ ବଚ୍ଚନ, କମଲ ହାସନ, ପ୍ରଭାସ ଏବଂ ଦୀପିକା ପାଦୁକୋନଙ୍କ ଅଭିନୀତ ‘କଲ୍କି-୨୮୯୮ ଏଡି’ ଜାନୁଆରୀ ୩ରୁ ଜାପାନର ପ୍ରେକ୍ଷାଳୟରେ ମୁକ୍ତିଲାଭ କରୁଛି!