ଭୁବନେଶ୍ୱର: ରାଜ୍ୟର ନୂଆ ଉନ୍ନୟନ କମିଶନର ହୋଇଛନ୍ତି ପ୍ରଦୀପ ଜେନା । ନୂଆବର୍ଷରେ ନୂଆ ଉନ୍ନୟନ କମିଶନର ଦାୟିତ୍ୱ ଗ୍ରହଣ କରିଛନ୍ତି । ସୁରେଶ ମହାପାତ୍ର ମୁଖ୍ୟ ଶାସନ ସଚିବ ହେବା ପରେ ତାଙ୍କ ସ୍ଥାନ ନେଇଛନ୍ତି ପ୍ରଦୀପ ଜେନା । ନିକଟରେ ତାଙ୍କୁ ଉନ୍ନୟନ କମିଶନର ଭାବରେ ନୂଆ ନିଯୁକ୍ତି ଦେଇଥିଲେ ସରକାର ।
୧୯୮୯ ବ୍ୟାଚ୍ ଆଇଏଏସ୍ ଅଫିସର ପ୍ରଦୀପ ଜେନା । ରାଜ୍ୟ ସରକାରଙ୍କ ବହୁ ଗୁରୁତ୍ୱପୂର୍ଣ୍ଣ ବିଭାଗର ସଚିବ ରହିଛନ୍ତି । ଏବେ ସେ ସ୍ୱତନ୍ତ୍ର ରିଲିଫ କମିଶନର ଥିଲେ । ପୂର୍ବରୁ ପାଞ୍ଚ ବର୍ଷ ଜଳସମ୍ପଦ ବିଭାଗର ସଚିବ ରହିଥିଲେ ପ୍ରଦୀପ ଜେନା । ଏହାସହ ଶ୍ରୀମନ୍ଦିର ମୁଖ୍ୟ ପ୍ରଶାସକ ଦାୟିତ୍ୱ ବି ତୁଲାଇଛନ୍ତି । କୋଭିଡ୍ ମୁକାବିଲାରେ ସେ ତୁଲାଇଥିଲେ ଗୁରୁ ଦାୟିତ୍ୱ ।
