ଭୁବନେଶ୍ୱର: ବାଙ୍ଗାଲୋରରେ ଚାଲିଥିବା ଖେଲୋ ଇଣ୍ଡିଆ ୟୁନିଭରସିଟି ଗେମ୍ସରେ ଓଡିଶା ଆଥଲେଟ ପ୍ରଭାବୀ ପ୍ରଦର୍ଶନ କରିଛନ୍ତି । ସନ୍ତରଣରେ ଉତ୍କଳ ୟୁନିଭରସିଟି ପକ୍ଷରୁ ପ୍ରତିନିଧିତ୍ୱ କରି ପ୍ରତ୍ୟାଷା ରାୟ ୧୦୦ ମିଟର ବ୍ୟାକଷ୍ଟ୍ରୋକରେ ରୌପ୍ୟ ପଦକ ହାସଲ କରିଛନ୍ତି । ଜେଏସଡବ୍ଲ୍ୟୁ ସୁଇମିଂ ଏଚପିସିରେ ପ୍ରଶିକ୍ଷଣ ନେଉଥିବା ପ୍ରତ୍ୟାଷା ୧:୦୯:୭୨ ସେକେଣ୍ଡ ସମୟ ନେଇ ରେସ ସମ୍ପୂର୍ଣ୍ଣ କରିଥିଲେ ।
ଭାରୋତୋଳନରେ କିଟ ୟୁନିଭରସିଟିର ରାଜେନ୍ଦ୍ର ମୁଦୁଲି ପୁରୁଷ ୬୧ କେଜି ବିଭାଗରେ ବ୍ରୋଞ୍ଜ ପଦକ ହାସଲ କରିଛନ୍ତି । ସେ ୨୩୯ କେଜି ଭାର ଉଠାଇ ଏହି ସଫଳତା ହାସଲ କରିଥିଲେ । ରାଜେନ୍ଦ୍ର କଳିଙ୍ଗ ଷ୍ଟାଡିୟମ କମ୍ପେ୍ଲକ୍ସରେ ଥିବା ପ୍ରଶିକ୍ଷଣ ଶିବିରରେ ଅଭ୍ୟାସ କରୁଥିଲେ । ରବିବାର ପ୍ରଥମ ଦିବସରେ ଓଡିଶା ପାଇଁ ସ୍ନେହା ସୋରେନ ସ୍ୱର୍ଣ୍ଣ ପଦକ ହାସଲ କରିଥିଲେ ।
Comments are closed.