ନୂଆଦିଲ୍ଲୀ: ଭାରତର ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ଡକ୍ଟରେଟ ଉପାଧି ପ୍ରଦାନ କରିଛି ମରିସସ ବିଶ୍ୱବିଦ୍ୟାଳୟ। ଦ୍ୱିପାକ୍ଷିକ ସମ୍ପର୍କର ଗଭୀରତାକୁ ପ୍ରତିଫଳିତ କରି ରାଷ୍ଟ୍ରପତି ଦ୍ରୌପଦୀ ମୁର୍ମୁ ମଙ୍ଗଳବାର ମରିସସ୍ ବିଶ୍ୱବିଦ୍ୟାଳୟ ଡକ୍ଟର ଅଫ୍ ସିଭିଲ୍ ଲ’ର ସମ୍ମାନଜନକ ଡିଗ୍ରୀ ପ୍ରଦାନ କରିଥିଲେ। ୬୫ ବର୍ଷୀୟ ରାଷ୍ଟ୍ରପତି ମୁର୍ମୁ ତିନିଦିନିଆ ମରିସସ ଗସ୍ତରେ ରହିଛନ୍ତି। ଯେଉଁଥିରେ ସେ ମଙ୍ଗଳବାର ଦିନ ଦେଶର ଜାତୀୟ ଦିବସ ପାଳନ ଅବସରରେ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ।
ଶିକ୍ଷାର ପରିବର୍ତ୍ତନଶୀଳ ପ୍ରଭାବ ବିଷୟରେ ତାଙ୍କର ବ୍ୟକ୍ତିଗତ ଅଭିଜ୍ଞତା ବିଷୟରେ ରାଷ୍ଟ୍ରପତି ମୁର୍ମୁ କହିଛନ୍ତି ଯେ ଶିକ୍ଷା ଆମକୁ ଦୁର୍ବଳତା ଏବଂ ଅଭାବରୁ ସୁଯୋଗ ଏବଂ ଆଶାକୁ ନେଇଯାଏ। ରାଷ୍ଟ୍ରପତି କହିଛନ୍ତି ଯେ ଯୁବକମାନଙ୍କୁ ଶିକ୍ଷିତ ତଥା ସଶକ୍ତିକରଣ କରିବାକୁ ଭାରତ ସରକାର ପ୍ରାଥମିକତା ଦେଇଛନ୍ତି। ସେ ଆତ୍ମବିଶ୍ୱାସର ସହିତ ବ୍ୟକ୍ତ କରିଛନ୍ତି ଯେ ଭାରତର ଦୂରଦୃଷ୍ଟି ସମ୍ପନ୍ନ ନୂତନ ଜାତୀୟ ଶିକ୍ଷା ନୀତି ଭାରତର ଜନସଂଖ୍ୟାଗତ ଡିଭିଡେଣ୍ଡକୁ ନୂତନତ୍ୱର ଏକ ଶକ୍ତି ଗୃହରେ ପରିଣତ କରିବ ଏବଂ ଏହାଦ୍ୱାରା ମାନବିକତା ଉପକୃତ ହେବ।
ରାଷ୍ଟ୍ରପତି ମୁର୍ମୁ ତାଙ୍କ ଅଭିଭାଷଣରେ ମରିସସର ଯୁବକମାନଙ୍କୁ ଭାରତ ସହିତ ସଂଯୁକ୍ତ ରହିବାକୁ ଆହ୍ୱାନ ଦେଇଛନ୍ତି। ସେ ମରିସସର ଜାତୀୟ ଦିବସ ଉପଲକ୍ଷେ ମରିସସବାସୀଙ୍କୁ ଶୁଭକାମନା ଜଣାଇଥିଲେ। ସେ କହିଥିଲେ ଆଜି ଏହି ପ୍ରତିଷ୍ଠିତ ବିଶ୍ୱବିଦ୍ୟାଳୟରୁ ସମ୍ମାନ ଜନକ ଡକ୍ଟର ଅଫ ସିଭିଲ ଲ ମୁଁ ଏକ ସମ୍ମାନଜନକ ଡିଗ୍ରୀ ପାଇବାକୁ ବିଶେଷ ସମ୍ମାନିତ ଅନୁଭବ କରେ। ମୁଁ ଆଶା କରୁଛି ଏହା ସମସ୍ତ ଯୁବକ, ବିଶେଷକରି ଯୁବତୀମାନଙ୍କୁ ସେମାନଙ୍କର ଅନନ୍ୟ ଆବେଗ ଆବିଷ୍କାର କରିବା ଏବଂ ସେମାନଙ୍କ ସ୍ୱପ୍ନକୁ ସାକାର କରିବା ପାଇଁ ପ୍ରେରଣା ଯୋଗାଇବ ବୋଲି ରାଷ୍ଟ୍ରପତି କହିଥିଲେ।
Comments are closed.