ନୂଆଦିଲ୍ଲୀ: ବହୁଚର୍ଚ୍ଚିତ ନିର୍ଭୟା ଗଣଦୁଷ୍କର୍ମ ଓ ହତ୍ୟାକାଣ୍ଡ ମାମଲାରେ ଅଭିଯୁକ୍ତ ବିନୟର ରାଜକ୍ଷମା ଖାରଜ କରିଛନ୍ତି ରାଷ୍ଟ୍ରପତି ରାମନାଥ କୋବିନ୍ଦ ।
ପ୍ରାପ୍ତ ସୂଚନାନୁଯାୟୀ ସୁପ୍ରିମକୋର୍ଟରୁ ଫାଶୀଦଣ୍ଡ ମିଳିବା ପରେ ସେ ରାଜକ୍ଷମା ଲାଗି ଗତ ବୁଧବାର ଦିନ ରାଷ୍ଟ୍ରପତିଙ୍କ ନିକଟରେ ଆବେଦନ କରିଥିଲା । ଯାହାକୁ ଶନିବାର ଦିନ ଖାରଜ କରିଛନ୍ତି ରାଷ୍ଟ୍ରପତି ।
ସୂଚନାଯୋଗ୍ୟ, ନିକଟ ଅତୀତରେ ଅଭିଯୁକ୍ତ ଅକ୍ଷୟ ଓ ବିନୟର କ୍ୟୁରେଟିଭ ପିଟିସନକୁ ମଧ୍ୟ ଖାରଜ କରାଯାଇଥିଲା ।
୨୦୧୨ରେ ଗଣଦୁଷ୍କର୍ମ ଓ ହତ୍ୟାକାଣ୍ଡ ମାମଲାରେ ୪ ଦୋଷୀ ଶନିବାର ଦିନ ସକାଳ ୬ଟା ବେଳେ ଫାଶୀ ଖୁଣ୍ଟରେ ଝୁଲିଥାନ୍ତେ । ତେବେ ଏହି ରାଜକ୍ଷମା ଆବେଦନ ଯୋଗୁଁ ଏଥିରେ ବିଳମ୍ବ ଘଟିଛି ।
ଖୁବଶୀଘ୍ର ସେମାନଙ୍କୁ ଫାଶୀ ମିଳିବ । ନିୟମାନୁଯାୟୀ ରାଜକ୍ଷମା ଆବେଦନ ତଥା ଅଗ୍ରାହ୍ୟ ମଧ୍ୟରେ ଜଣେ ଦୋଷୀଙ୍କୁ ପାଖାପାଖି ୧୪ ଦିନ ସମୟ ପ୍ରଦାନ କରାଯାଇଥାଏ।