ଭୁବନେଶ୍ବର : ଆସନ୍ତାକାଲି ଅଗଷ୍ଟ ୯, କ୍ରାନ୍ତି ଦିବସ । ଏହି ଅବସରରେ ରାଜ୍ୟର ୨ ଜଣ ସ୍ବାଧୀନତା ସଂଗ୍ରାମୀଙ୍କୁ ସମ୍ବର୍ଦ୍ଧିତ କରିବେ ରାଷ୍ଟ୍ରପତି ରାମନାଥ କୋବିନ୍ଦ । ବରଗଡ଼ ଜିଲ୍ଲା ପାଣିମୋରା ଗାଁର ସ୍ବାଧୀନତା ସଂଗ୍ରାମୀ ଜିତେନ୍ଦ୍ର ପ୍ରଧାନ ଓ ଭଦ୍ରକ ଜିଲ୍ଲା ବାସୁଦେପୁର ତୁଳନ୍ତୁଳା ଗାଁର ସାରଦା ପ୍ରସାଦ ରୟଙ୍କୁ ରାଷ୍ଟ୍ରପତି ରାମନାଥ କୋବିନ୍ଦ ସମ୍ବର୍ଦ୍ଧିତ କରିବେ । ପ୍ରତିବର୍ଷ ରାଷ୍ଟ୍ରପତି ଭବନରେ ସମ୍ବର୍ଦ୍ଧନା ଉତ୍ସବ ଆୟୋଜନ ହେଉଥିବା ବେଳେ, କରୋନା କଟକଣାରୁ ଚଳିତ ବର୍ଷ ମଧ୍ୟ ସ୍ବାଧୀନତା ସଂଗ୍ରାମୀମାନଙ୍କୁ ସେମାନଙ୍କ ଘରେ ହିଁ ସମ୍ବର୍ଦ୍ଧନା ଦିଆଯିବ । ବରଗଡ଼ ଓ ଭଦ୍ରକ ଜିଲ୍ଲାପାଳ ଦୁଇ ସ୍ବାଧୀନତା ସଂଗ୍ରାମୀ ଜିତେନ୍ଦ୍ର ପ୍ରଧାନ ଓ ସାରଦା ପ୍ରସାଦ ରୟଙ୍କ ଘରକୁ ଯାଇ ସମ୍ମାନିତ କରିବେ ।
Comments are closed.