ପୁରୀ: ପୁରୀ କୁମାରଉତ୍ସବ ସମିତି ପକ୍ଷରୁ ଚଳିତବର୍ଷ ଗୁଣ୍ଡିଚା ମନ୍ଦିର ନିକଟ ମୁକ୍ତାକାଶ ରଙ୍ଗମଞ୍ଚ ଠାରେ କୁମାରଉତ୍ସବ ଅନୁଷ୍ଠିତ ହେବ । ଚଳିତବର୍ଷକୁ ମିଶାଇ ଏହା ହେବ ୫୬ ତମ କୁମାରଉତ୍ସବ । ଏନେଇ ଆଜି କୁମାରଉତ୍ସବ ସମିତି ପକ୍ଷରୁ ସଭାପତି ବିଭୁ ପ୍ରସାଦ ତ୍ରିପାଠୀଙ୍କ ଅଧ୍ୟକ୍ଷତାରେ ପୁରୀ ଭିଆଇପି ରୋଡ ସ୍ଥିତ ହୋଟେଲ ନମସ୍ତେ ପୁରୀ ଠାରେ ଏକ ସାମ୍ବାଦିକ ସମିଳନୀ ଅନୁଷ୍ଠିତ ହୋଇଯାଇଛି । ସମିତି ପକ୍ଷରୁ ଚଳିତବର୍ଷ ବିଭିନ୍ନ କାର୍ଯ୍ୟକ୍ରମ ନେଇ ଆଲୋଚନା କରାଯାଇଛି ।
ଏହି ଉତ୍ସବ ଅକ୍ଟୋବର ୨୯ ଠାରୁ ଆରମ୍ଭ ହୋଇ ଅକ୍ଟୋବର ୩୧ତାରିଖ ପର୍ଯ୍ୟନ୍ତ ତିନି ଦିନ ଧରି ମହାସମାରୋହରେ ଶରଧାବାଲି ସ୍ଥିତ ମୁକ୍ତାକାଶ ରଙ୍ଗମଞ୍ଚରେ ଅନୁଷ୍ଠିତ ହେବ । କୁମାରଉତ୍ସବରେ ପ୍ରତ୍ୟକ ଦିନ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ସହ ଅନୁଷ୍ଠାନ ପକ୍ଷରୁ ବିଭିନ୍ନ ନାଟକ ଓ ସଂଗୀତ ପରିବେଷଣ କରାଯିବା ସହ ଶେଷ ଦିନରେ ବଲିଉଡ ସୁନାମଧନ୍ୟ କଣ୍ଠଶିଳ୍ପୀ ବିନୋଦ ରାଠୋଡ଼ ଯୋଗ ଦେବାର କାର୍ଯ୍ୟକ୍ରମ ରହିଛି।
ପବିତ୍ର କୁମାରପୁର୍ଣ୍ଣିମା ଅବସରରେ କୁମାରଉତ୍ସବ ସମିତି ପକ୍ଷରୁ ବେଶ ଧୁମଧାମରେ କୁମାର ଉତ୍ସବକୁ ପାଳନ କରିବା ନେଇ ସାମ୍ବାଦିକ ସମ୍ମିଳନୀ ମାଧ୍ୟମରେ ଅନୁଷ୍ଠାନ ପକ୍ଷରୁ ସୂଚନା ଦିଆଯାଇଛି । ଏଥିରେ ପୁରୀ ବିଧାୟକ ଜୟନ୍ତ ଷଡଙ୍ଗୀଙ୍କ ସେମେତ ଅନ୍ୟାନ କର୍ମକର୍ତ୍ତା ମାନେ ଉପସ୍ଥିତ ଥିଲେ ।
Comments are closed.