ନୂଆଦିଲ୍ଲୀ: ବଜେଟ୍ ଅଧିବେଶନ ଆରମ୍ଭ ପୂର୍ବରୁ ପ୍ରଧାନମନ୍ତ୍ରୀ ମୋଦି ଦେଶବାସୀଙ୍କୁ ସମ୍ବୋଧିତ କରିଛନ୍ତି । ଭାରତର ଉଜ୍ଜ୍ୱଳ ଭବିଷ୍ୟତ ଲାଗି ଚଳିତ ଦଶନ୍ଧି ଗୁରୁତ୍ୱପୂର୍ଣ୍ଣ ବୋଲି କହିଛନ୍ତି ମୋଦି । ଦଶନ୍ଧିର ଭରପୂର ଉପଯୋଗ ନେଇ ଚଳିତ ଅଧିବେଶନରେ ସମସ୍ତ ଚର୍ଚ୍ଚା ହେଉ ବୋଲି ପ୍ରଧାନମନ୍ତ୍ରୀ ମୋଦି କହିଛନ୍ତି । ଲୋକଙ୍କ ଆଶା, ଆଂକାକ୍ଷାକୁ ପୂର୍ଣ୍ଣ କରି ସମସ୍ତ ସଦସ୍ୟ ସଂସଦ ଅଧିବେଶନରେ ଭାଗନେବେ ବୋଲି ବିଶ୍ୱାସ ରହିଥିବା ପିଏମ୍ କହିଛନ୍ତି ।
This is the Budget Session. For the first time in India's history, in a way, the Finance Minister had to present 4-5 mini budgets in 2020 in the form of different packages. So this Budget will be seen as a part of those 4-5 mini budgets, I believe this: PM Modi at the Parliament pic.twitter.com/XwhTwwRq1v
— ANI (@ANI) January 29, 2021
ଭାରତ ଇତିହାସରେ ପ୍ରଥମ ଥର ୨୦୨୦ ମସିହାରେ ଅର୍ଥମନ୍ତ୍ରୀଙ୍କୁ ଗୋଟିଏ ନୁହେଁ ଛୋଟ ଛୋଟ କରି ୪ରୁ ୫ଟି ବଜେଟ୍ ଦେବାକୁ ପଡ଼ିଥିଲା । ଏଥିପାଇଁ ଚଳିତ ବଜେଟକୁ ମଧ୍ୟ ସେହି ବଜେଟ୍ ମଧ୍ୟରେ ଦେଖାଯିବ । ରାଷ୍ଟ୍ରପତିଙ୍କ ମାର୍ଗଦର୍ଶନରେ ସଂସଦର ଉଭୟ ଗୃହର ସଦସ୍ୟ ମିଳିତ ଭାବେ ରାଷ୍ଟ୍ରପତିଙ୍କ ସନ୍ଦେଶକୁ ଆଗକୁ ନେବେ ବୋଲି କହିଛନ୍ତି ପ୍ରଧାନମନ୍ତ୍ରୀ ।
କିଛି ସମୟ ପରେ ରାଷ୍ଟ୍ରପତି ରାମନାଥ କୋବିନ୍ଦ ସଂସଦର ଉଭୟ ଗୃହକୁ ସମ୍ବୋଧିତ କରିବେ । ତା’ପରେ ପରେ ୨୦୨୦-୨୧ ଆର୍ଥିକ ବର୍ଷର ଅର୍ଥନୀତିକ ସର୍ଭେ ରିପୋର୍ଟକୁ ଗୃହରେ ଆଗତ କରିବେ ଅର୍ଥମନ୍ତ୍ରୀ ନିର୍ମଳା ସୀତାରମଣ । କୃଷି ବିଲକୁ ନେଇ ରାଷ୍ଟ୍ରପତିଙ୍କ ଅଭିଭାଷଣକୁ କଂଗ୍ରେସ ସମେତ ୧୬ଟି ବିରୋଧୀ ଦଳ ବହିଷ୍କାର କରିଛନ୍ତି ।