ମେଲବୋର୍ଣ୍ଣ: ପ୍ରିୟଙ୍କା ରାଧାକ୍ରିଷ୍ଣନ୍ ସୋମବାର ନ୍ୟୁଜିଲ୍ୟାଣ୍ଡର ମନ୍ତ୍ରୀ ହୋଇଛନ୍ତି, ସେ ଏହି ପଦବୀରେ ଅବସ୍ଥାପିତ ପ୍ରଥମ ଭାରତୀୟ ମୂଳ ନାଗରିକ। ନ୍ୟୁଜିଲ୍ୟାଣ୍ଡର ପ୍ରଧାନମନ୍ତ୍ରୀ ଜସିଣ୍ଡା ଆର୍ଡନ୍ ପ୍ରିୟଙ୍କାଙ୍କ ସମେତ ତାଙ୍କ ମନ୍ତ୍ରୀମଣ୍ଡଳରେ ପାଞ୍ଚଜଣ ନୂଆ ମନ୍ତ୍ରୀଙ୍କୁ ସାମିଲ୍ କରିଛନ୍ତି। ଦୁଇ ସପ୍ତାହ ପୂର୍ବରୁ ଦେଶର ସାଧାରଣ ନିର୍ବାଚନରେ ଆର୍ଡନ୍ ଦଳ ବିଜୟ ହାସଲ କରିଥିଲା।
ଭାରତରେ ଜନ୍ମିତ ତଥା ଲେବର ପାର୍ଟିର ନେତା ପ୍ରିୟଙ୍କା କହିଛନ୍ତି ଯେ ଆଜି ଏକ ବିଶେଷ ଦିନ।
ସେ ଫେସବୁକରେ ଏକ ପୋଷ୍ଟରେ ଲେଖିଛନ୍ତି, ଯେଉଁମାନେ ମୋତେ ଅଭିନନ୍ଦନ ବାର୍ତ୍ତା ପଠାଇଛନ୍ତି ସେମାନଙ୍କୁ ବହୁତ ବହୁତ ଧନ୍ୟବାଦ। ମନ୍ତ୍ରୀ ଭାବରେ ନିଯୁକ୍ତ ହୋଇ ମୁଁ ଅତ୍ୟଧିକ ଆନନ୍ଦିତ ଏବଂ ଏହି କାର୍ଯ୍ୟକାଳ ମଧ୍ୟରେ ଉତ୍କୃଷ୍ଟ ମନ୍ତ୍ରୀଙ୍କ ସହ କାମ କରିବାକୁ ଆଶାୟୀ ଅଛି। ”
ପ୍ରିୟଙ୍କାଙ୍କ ଜନ୍ମ କେରଳରେ ହୋଇଥିଲା। ସେ ସିଙ୍ଗାପୁରରେ ତାଙ୍କ ସ୍କୁଲ ପଢା ଶେଷ କରିଥିଲେ ଏବଂ ପରବର୍ତ୍ତୀ ଅଧ୍ୟୟନ ପାଇଁ ନ୍ୟୁଜିଲ୍ୟାଣ୍ଡକୁ ଆସିଥିଲେ। ଘରୋଇ ହିଂସାର ଶିକାର ହୋଇଥିବା ମହିଳା ଏବଂ ଶୋଷଣର ଶିକାର ହୋଇଥିବା ପ୍ରବାସୀ ଭାରତୀୟଙ୍କ ପାଇଁ ସେ ଲଗାତାର ସ୍ୱର ଉତ୍ତୋଳନ କରିଛନ୍ତି।
ସେ ସେପ୍ଟେମ୍ବର ୨୦୧୭ରେ ଲେବର ପାର୍ଟିରୁ ପ୍ରଥମ ଥର ପାଇଁ ସାଂସଦ ଭାବରେ ନିର୍ବାଚିତ ହୋଇଥିଲେ। ୨୦୧୯ରେ, ସେ ଅନୁସୂଚିତ ଜାତି ସମ୍ପ୍ରଦାୟ ମନ୍ତ୍ରୀଙ୍କ ସଂସଦୀୟ ବ୍ୟକ୍ତିଗତ ସଚିବ ଭାବରେ ନିଯୁକ୍ତ ହୋଇଥିଲେ।