ମୁମ୍ବାଇ: ବଲିଉଡ଼ ଅଭିନେତା ସନ୍ନି ଦେଓଲ ଓ ଅଭିନେତ୍ରୀ ଅମିଷା ପଟେଲଙ୍କ ଅଭିନିତ ଫିଲ୍ମ ‘ଗଦର ୨’ ଏବେ ଖୁବ୍ ଚର୍ଚ୍ଚାରେ । ଏହି ଫିଲ୍ମକୁ ଲୋକେ ଖୁବ୍ ପସନ୍ଦ କରୁଛନ୍ତି । ଏହି ଫିଲ୍ମ ବକ୍ସ ଅଫିସରେ ଭଲ ବ୍ୟବସାୟ କରୁଛି । ବର୍ତ୍ତମାନ ପର୍ଯ୍ୟନ୍ତ ଏହି ଫିଲ୍ମ ୩୦୦ କୋଟିରୁ ଅଧିକ ଆୟ କରି ସାରିଲାଣି । କେବଳ ଆମ ଦେଶରେ ନୁହେଁ, ବିଦେଶରେ ବି ସମସ୍ତେ ଏହି ଫିଲ୍ମକୁ ପ୍ରଶଂସା କରୁଛନ୍ତି । ଏହି ଫିଲ୍ମକୁ ଦେଖିବା ପରେ ଅନେକ ସେଲିବ୍ରିଟ ପ୍ରଶଂସା କରିବାକୁ ପଛାଇ ନାହାନ୍ତି । ଏବେ ଅଭିନେତ୍ରୀ ପ୍ରିୟଙ୍କା ଚୋପ୍ରା ଏବଂ ତାଙ୍କ ସ୍ୱାମୀ ନିକ୍ ଜୋନାସ ମଧ୍ୟ ‘ଗଦର ୨’କୁ ପସନ୍ଦ କରିଛନ୍ତି । ଉଭୟ ଫିଲ୍ମର ନିର୍ଦ୍ଦେଶକ ଅନିଲ ଶର୍ମାଙ୍କ ପାଇଁ ଏକ ବିଶେଷ ଉପହାର ପଠାଇଛନ୍ତି । ଏଥିସହିତ ଫିଲ୍ମର ସଫଳତା ପାଇଁ ତାଙ୍କୁ ଅଭିନନ୍ଦନ ମଧ୍ୟ ଜଣାଇଛନ୍ତି ।
ନିର୍ଦ୍ଦେଶକ ଅନିଲ ଶର୍ମା ଉପହାର ପାଇବା ପରେ ଏହାର ଏକ ଫଟୋ ସୋସିଆଲ ମିଡ଼ିଆରେ ସେୟାର କରି ଖୁସି ବ୍ୟକ୍ତ କରିଛନ୍ତି । ଏଥିସହ ଏହି ଦମ୍ପତିଙ୍କୁ ଧନ୍ୟବାଦ ବି ଜଣାଇଛନ୍ତି । ସେ ଦୁଇଟି ଫଟୋ ସେୟାର କରିଛନ୍ତି । ପ୍ରଥମ ଫଟୋରେ ଏକ ସୁନ୍ଦର ଫୁଲ ତୋଡା ଏବଂ ଦ୍ୱିତୀୟ ଫଟୋରେ ଏକ ନୋଟ ଦୃଶ୍ୟମାନ ହେଉଛି । ଏହି ନୋଟରେ ଲେଖାଯାଇଛି- ପ୍ରିୟ ଅନିଲ ସାର, ଗଦର ୨ ର ସଫଳତା ପାଇଁ ଆପଣଙ୍କୁ ଅନେକ ଅନେକ ଅଭିନନ୍ଦନ । ଆଗାମୀ ସମୟ ପାଇଁ ଆପଣଙ୍କୁ ଶୁଭେଚ୍ଛା । ପ୍ରିୟଙ୍କା ଏବଂ ନିକଙ୍କ ପକ୍ଷରୁ ଢେର ସାରା ଭଲ ପାଇବା । ପ୍ରିୟଙ୍କା ଏବଂ ନିକଙ୍କ ନୋଟକୁ ସେୟାର କରି ଅନିଲ ଲେଖିଛନ୍ତି – ତୁମ ଦୁହିଁଙ୍କୁ ଅନେକ ଧନ୍ୟବାଦ । ତୁମର ଏହି ଉପହାର ମୋ ହୃଦୟକୁ ଛୁଇଁଛି ।
Comments are closed.