ମୁମ୍ବାଇ: ନୂଆ ପ୍ରୋଜେକ୍ଟରେ ନଜର ଆସିବେ ଅଭିନେତ୍ରୀ ପ୍ରିୟଙ୍କା ଚୋପ୍ରା ଜୋନାସ୍ । ଫିଲ୍ମର ଟାଇଟଲ ରହିଛି ‘ଦ ହ୍ୱାଇଟ୍ ଟାଇଗର’ । ଏ ନେଇ ଖୋଦ ପ୍ରିୟଙ୍କା ସୋସିଆଲ ମିଡିଆରେ କନଫର୍ମ କରିବା ସହ ଫିଲ୍ମର ପୋଷ୍ଟର ବି ଶେୟାର କରିଛନ୍ତି ।
ଏହି ଫିଲ୍ମର ନିର୍ଦ୍ଦେଶନା ଭାର ସମ୍ଭାଳିଛନ୍ତି ରମନ ବାହାରାନୀ । ତେବେ ବଲିଉଡର କେଉଁ ସୁପରଷ୍ଟାର ନୁହେଁ ବରଂ ମଲ୍ଟି ଟ୍ୟାଲେଣ୍ଟେଡ ତଥା ଭର୍ସାଟାଇଲ୍ ଆକ୍ଟର ରାଜକୁମାର ରାଓ ତାଙ୍କ ବିପକ୍ଷରେ ପ୍ରଥମ ଥର ପାଇଁ ନଜର ଆସିବେ । ଅନ୍ୟପଟେ ଆଦର୍ଶ ଗୌରଭ ପ୍ରମୁଖ ଭୂମିକାରେ ଦେଖାଦେବେ ।
ଫିଲ୍ମଟି ନ୍ୟୁ ୟର୍କ ଟାଇମ୍ସର ବେଷ୍ଟ ସେଲର୍ ନୋଭେଲ ଉପରେ ଆଧାରିତ । ଯେଉଁଥିରେ ଏକ ପରିବାର ଓ ଜଣେ ବ୍ୟକ୍ତିର ଦୁର୍ଦ୍ଦଶାର ଚିତ୍ର ଦେଖିବାକୁ ମିଳିବ । ଫିଲ୍ମର କାହାଣୀ ଶକ୍ତିଶାଳୀ, ଅସହଜ ଓ ମନୋରଂଜକ ବୋଲି ପ୍ରିୟଙ୍କା ପ୍ରକାଶ କରିଛନ୍ତି । ନେଟ୍ଫ୍ଲିକ୍ସ ଓଟିଟି ପ୍ଲାଟଫର୍ମରେ ରିଲିଜ ହେବାକୁ ଥିବା ଏହି ଫିଲ୍ମରେ ରାଜକୁମାର ଓ ପ୍ରିୟଙ୍କା ଦମ୍ପତ୍ତି ଭାବେ ନଜର ଆସିବେ ।
୨୦୦୮ରେ ପ୍ରକାଶିତ ‘ଦ ହ୍ୱାଇଟ୍ ଟାଇଗର’ ନୋଭେଲରେ ଗାଁରୁ ଆସିଥିବା ଜଣେ ବ୍ୟକ୍ତିର କାହାଣୀକୁ କେନ୍ଦ୍ରୀତ କରିଥିଲା । ଗାଁରୁ ଆସିଥିବା ସେହି ବ୍ୟକ୍ତି ଦୃଢ ଇଛାଶକ୍ତି ବଳରେ ନିଜକୁ ସଫଳ କରାଇପାରିଥିଲା । ହେଲେ ପରେ ସାଜିଥିଲା ହତ୍ୟାକାରୀ । ଅନୁମାନ କରାଯାଉଛି କିଛି ଏପରି କାହାଣୀ ନେଇ ପ୍ରିୟଙ୍କା ଓ ରାଜକୁମାରଙ୍କ କେମିଷ୍ଟ୍ରୀ ଦର୍ଶକଙ୍କୁ ଇମ୍ପ୍ରେସ୍ କରିବ ।