କୋଲକାତା: ପଶ୍ଚିମବଙ୍ଗରେ ୱାକଫ୍ (ସଂଶୋଧନ) ଆଇନ ବିରୋଧରେ ପ୍ରତିବାଦ ଜାରି ରହିଛି। କୋଲକାତାର ଆଲିଆ ବିଶ୍ୱବିଦ୍ୟାଳୟର ଛାତ୍ରଛାତ୍ରୀ ମାନେ ଏହି ଆଇନକୁ ପ୍ରତ୍ୟାହାର କରିବାକୁ ଦାବି କରି ଏକ ରାଲି କରିଥିଲେ।
ପଶ୍ଚିମବଙ୍ଗ ଭାରତୀୟ ଜନତା ପାର୍ଟିର ସଭାପତି ସୁକାନ୍ତ ମଜୁମଦାର ଅଭିଯୋଗ କରିଛନ୍ତି ଯେ ଦକ୍ଷିଣ ୨୪ ପରଗନା ଜିଲ୍ଲାର ଆମତାରେ ଏକ ରାଲି ହିଂସାରେ ପରିଣତ ହୋଇଥିଲା। ଯେଉଁଠାରେ ପ୍ରଦର୍ଶନକାରୀମାନେ ଏକ ପୋଲିସ ଗାଡ଼ି ଉପରେ ଆକ୍ରମଣ କରିଥିଲେ।
କୋଲକାତାର ଆଲିଆ ବିଶ୍ୱବିଦ୍ୟାଳୟର ଛାତ୍ରମାନେ ପାର୍କ ସର୍କସ ଅଞ୍ଚଳରେ ପ୍ରଦର୍ଶନ କରିଥିଲେ ଏବଂ ଏହାକୁ ପ୍ରତ୍ୟାହାର କରିବା ଦାବିରେ ନାରା ଲଗାଇଥିଲେ।
ତେବେ ନିକଟରେ ଜୈନ ସମ୍ପ୍ରଦାୟ ଦ୍ୱାରା ଆୟୋଜିତ ବିଶ୍ୱ ନବକାର ମହାମନ୍ତ୍ର ଦିବସରେ ଭାଷଣ ଦେଇ ମମତା ବିଜେପିକୁ କଟାକ୍ଷ କରି କହିଥିଲେ, ସେ ଦୃଢ଼ତାର ସହିତ କହିଥିଲେ ଯେ ସେ ବଙ୍ଗଳାରେ ୱାକଫ ବିଲ୍ ଲାଗୁ ହେବାକୁ ଦେବେ ନାହିଁ ଏବଂ ଧର୍ମୀୟ ଆଧାରରେ ବଙ୍ଗଳାକୁ ବିଭାଜିତ ହେବାକୁ ଦେବେ ନାହିଁ । ଯଦି କାହାକୁ ମୋର ସମ୍ପତ୍ତି ନେବାକୁ ଅଧିକାର ନାହିଁ, ତେବେ ମୁଁ କିପରି କହିପାରିବି ଯେ ଅନ୍ୟ କାହାର ସମ୍ପତ୍ତି ନେଇହେବ? ଆମକୁ 30 ପ୍ରତିଶତ (ମୁସଲମାନ) ସାଙ୍ଗରେ ନେଇ ଚାଲିବାକୁ ହେବ । ମନେରଖ, ଦିଦି ତୁମର ସମ୍ପତ୍ତିକୁ ସୁରକ୍ଷା ଦେବେ।”
ଆହୁରି ମଧ୍ଯ ସେ କହିଥିଲେ, “କିଛି ଲୋକ ପଚାରନ୍ତି ଯେ ମୁଁ କାହିଁକି ସମସ୍ତ ଧର୍ମ ସ୍ଥାନକୁ ଯାଏ । ମୁଁ କହିଥିଲି ଯେ ମୁଁ ମୋ ଜୀବନ ଥିବା ପର୍ଯ୍ୟନ୍ତ ସେଠାକୁ ଯିବି । ତୁମେ ମୋତେ ଗୁଳି କଲେ ମଧ୍ୟ ତୁମେ ମୋତେ ଏକତାରୁ ଅଲଗା କରିପାରିବ ନାହିଁ । ବଙ୍ଗଳାରେ କୌଣସି ବିଭାଜନ ହେବ ନାହିଁ, ବଞ୍ଚ ଏବଂ ବଞ୍ଚିବାକୁ ଦିଅ।”
Comments are closed.