ଭୁବନେଶ୍ୱର: ସ୍ଥାନୀୟ ସତ୍ୟଭାମାପୁର ସ୍ଥିତ ବି.ଜେ.ଇ.ଏମ୍ ସ୍କୁଲ-୨ର ପଞ୍ଚଦଶ ବାର୍ଷିକ ଉତ୍ସବ ‘ପଲ୍ସାଶିଓ’ ମହାଆଡ଼ମ୍ବରରେ ପାଳିତ ହୋଇ ଯାଇଛି । କରୋନା କଟକଣା ପରେ ଦୀର୍ଘ ଦିନ ଅନ୍ତରରେ ହୋଇଥିବା ଏହି ବାର୍ଷିକ ଉତ୍ସବରେ ବିଦ୍ୟାଳୟର କୁନି କୁନି ପିଲାଙ୍କଠାରୁ ଆରମ୍ଭ କରି ଦ୍ୱାଦଶ ଶ୍ରେଣୀ ଛାତ୍ରଛାତ୍ରୀମାନେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପ୍ରଦର୍ଶନ କରିଥିଲେ । ଏହି ଅବସରରେ ମୁଖ୍ୟ ଅତିଥି ଭାବେ ବିଶିଷ୍ଟ ଲେଖକ ଦାଶ ବେନହୁର କାର୍ଯ୍ୟକ୍ରମରେ ଯୋଗଦେଇ ଛାତ୍ରଛାତ୍ରୀମାନଙ୍କୁ ଉତ୍ସାହିତ କରିଥିଲେ ।
ଏହି ଉତ୍ସବରେ ବିଦ୍ୟାଳୟର ସଭାପତି ରଘୁନାଥ ମିଶ୍ର, ପରିଚାଳକ ପ୍ରତାପ କୁମାର ଜେନା, ବିଦ୍ୟାଳୟ ଅଧ୍ୟକ୍ଷା ଅଳକା ମହାନ୍ତି ଓ ଉପାଧ୍ୟକ୍ଷ ଡ. ମନୋରଞ୍ଜନ ବେଜ ଓ ବିଜେଶିକ୍ଷାପରିଷଦର ବରେଣ୍ୟ ସଦସ୍ୟ ଗଣ ଉପସ୍ଥିତ ଥିଲେ । ଏହି ଅବସରରେ ବିଭିନ୍ନ କ୍ଷେତ୍ରରେ ପାରଦର୍ଶିତା ଅର୍ଜନ କରିଥିବା କୃତି ଛାତ୍ରଛାତ୍ରୀଙ୍କୁ ପୁରସ୍କାର ପ୍ରଦାନ କରାଯାଇଥିଲା ।
୨୦୨୨-୨୩ ଶିକ୍ଷା ବର୍ଷ ନିମନ୍ତେ “ବିଜେ ଜେମ୍”ନବମ ଶ୍ରଶୀର ଛାତ୍ର ରାଜ୍ ଆର୍ୟାନ୍ ରାଉତ ବିବେଚିତ ହୋଇଥିବା ବେଳେ ଷ୍ଟୁଡେଣ୍ଟ ଅଫ ଦ ଇୟର ପାଇଁ ଏକାଦଶ ଶ୍ରେଣୀର ଛାତ୍ରୀ ସ୍ଥିତି ପ୍ରଜ୍ଞା ଜେନା ବିଶେଷ ପୁରସ୍କାର ପାଇଥିଲେ । ସେହିପରି ଅଭୟ ନାୟକ ମେମୋରିଆଲ ପୁରସ୍କାର ଦଶମ ଶ୍ରେଣୀର ଛାତ୍ର ଶ୍ୱାଶ୍ୱତ ରାୟ ଏବଂ ଇନୋଭେଟିବ ଷ୍ଟୁଡେଣ୍ଟ ଅଫ ଦ ଇୟର ପାଇଁ ଶୈଳବାଳା ଯୋଗେନ୍ଦ୍ର ସ୍ମାରକୀ ପୁରସ୍କାର ଷଷ୍ଠ ଣ୍ରେଣୀ ଛାତ୍ର କୁଶଲ ଗୋଛାୟତଙ୍କୁ ପ୍ରଦାନ କରାଯାଇଥିଲା ।
Comments are closed.