ପୁରୀ: ରଥଯାତ୍ରା ପାଇଁ ଶ୍ରୀକ୍ଷେତ୍ରରେ ଭକ୍ତିମୟ ପରିବେଶ । ବଡ଼ଦେଉଳରୁ ବାହାରି ଆସିଛନ୍ତି ମହାପ୍ରଭୁ । ସିଂହଦ୍ୱାର ଆଗରେ ରଥ ଉପରେ ବିରାଜମାନ କରିଛନ୍ତି ଚତୁର୍ଦ୍ଧାମୂର୍ତ୍ତି । ରଥାରୁଢ଼ ମହାପ୍ରଭୁଙ୍କୁ ଯାଇ ଦର୍ଶନ କରିଛନ୍ତି ପୁରୀ ଗୋବର୍ଦ୍ଧନ ପୀଠାଧୀଶ ତଥା ଶଙ୍କରାଚାର୍ଯ୍ୟ ସ୍ୱାମୀ ନିଶ୍ଚଳାନନ୍ଦ ସରସ୍ୱତୀ । ସେ ତିନି ରଥର ପ୍ରଦୀକ୍ଷଣ କରି ମହାପ୍ରଭୁଙ୍କୁ ଦର୍ଶନ କରିଛନ୍ତି ।
ପୁରୀ ଗୋବର୍ଦ୍ଧନପୀଠାଧୀଶ ଶ୍ରୀ ଶଙ୍କରାଚାର୍ଯ୍ୟ ରଥ ଉପରେ ଚତୁର୍ଦ୍ଧା ମୂର୍ତ୍ତିଙ୍କ ଦର୍ଶନ କରିଛନ୍ତି। #ରଥଯାତ୍ରା୨୦୨୧ pic.twitter.com/0rxNojkJks
— I & PR Department, Odisha (@IPR_Odisha) July 12, 2021
ଏବେ ଛେରା ପହଁରା ପାଇଁ ପହଞ୍ଚିଛନ୍ତି ମହାପ୍ରଭୁଙ୍କ ଆଦ୍ୟ ସେବକ ତଥା ଗଜପତି ମହାରାଜ ଦିବ୍ୟସିଂହ ଦେବ । ସେ ତିନି ରଥରେ ଛେରା ପହଁରା କରୁଛନ୍ତି । ଅପରାହ୍ଣ ୧୨ଟା ୪୫ରୁ ୨ଟା ଭିତରେ ଛେରା ପହଁରା ପାଇଁ ନୀତି ନିର୍ଘଣ୍ଟ ହୋଇଥିଲା । କିନ୍ତୁ ଏହି ନୀତି ବି ଆଗୁଆ ସମ୍ପାଦିତ ହୋଇପାରେ ।
ଛେରା ପହଁରା ପରେ ଦିନ ୨ଟାରୁ ୩ଟା ଭିତରେ ଚାରମାଳ ଫିଟା, ଘୋଡ଼ା ଓ ସାରଥୀ ଲାଗିବା ପରେ ଆରମ୍ଭ ହେବ ରଥଟଣା । ସେବାୟତ କେବଳ ମହାପ୍ରଭୁଙ୍କ ତିନି ରଥକୁ ସିଂହଦ୍ୱାରରୁ ଗୁଣ୍ଡିଚା ମନ୍ଦିର ଯାଏ ଟାଣି ନେବେ । କରୋନା ଯୋଗୁ ବିନା ଭକ୍ତରେ ଶ୍ରୀକ୍ଷେତ୍ରରେ ରଥଯାତ୍ରା ଅନୁଷ୍ଠିତ ହେଉଛି ।
Comments are closed.