ମୁମ୍ବାଇ; ୨୦୨୧ ମସିହାରେ ମୁକ୍ତିଲାଭ କରିଥିବା ‘ପୁଷ୍ପା; ଦି ରାଇଜ୍’ ବକ୍ସ ଅଫିସରେ ସୁପରହିଟ୍ ସାବ୍ୟସ୍ତ ହୋଇଥିଲା l ଏହାର ୩ ବର୍ଷ ପରେ ନିର୍ଦ୍ଦେଶକ ସୁକୁମାର ସମାନ ଦଳ ସହିତ ‘ପୁଷ୍ପା: ଦି ରୁଲ୍’ ଚଳଚ୍ଚିତ୍ରର ଦ୍ୱିତୀୟ ଭାଗ ମୁକ୍ତିଲାଭ କରିଥିଲେ l ଏହି ଫିଲ୍ମ ଡିସେମ୍ବର ୫ରେ ମୁକ୍ତିଲାଭ କରିଥିଲା l ରିଲିଜ ହେବାର ଏହାରୀ ଭିତରେ ୧୫ ଦିନ ହେଇଗଲାଣି l ଏହି ଦିନ ଭିତରେ ଗୋଟେ ପରେ ଗୋଟେ ରେକର୍ଡ ଭାଙ୍ଗିବାରେ ଲାଗିଛି ପୁଷ୍ପା ୨ l
ଫିଲ୍ମଟି ବର୍ତ୍ତମାନ ପର୍ଯ୍ୟନ୍ତ ଭାରତର ସର୍ବାଧିକ ଆୟ କରିଥିବା ଚଳଚ୍ଚିତ୍ର ତାଲିକାରେ ଦ୍ୱିତୀୟ ସ୍ଥାନରେ ରହିଛି l ତେବେ ଦେଖିବାକୁ ବାକି ରହିଲା ବକ୍ସ ଅଫିସର ସବୁଠାରୁ ରେକର୍ଡତୋଡ ଫିଲ୍ମ ପ୍ରଭାସଙ୍କ ବାହୁବଳୀ ୨, ଯାହା ୨୦୧୭ ମସିହାରେ ରିଲିଜ୍ ହୋଇଥିଲା, ପୁଷ୍ପା ୨ ତାର ରେକର୍ଡ ଭାଙ୍ଗି ପାରୁଛି କି ନାହିଁ । ଫିଲ୍ମର ରୋଜଗାର ବିଷୟରେ କହିବାକୁ ଗଲେ ୧୫ ଦିନରେ ବିଶ୍ଵବ୍ୟାପୀ ଫିଲ୍ମଟି ବକ୍ସ ଅଫିସରେ ୧୫୦୮ କୋଟି ଟଙ୍କା ରୋଜଗାର କରିଛି l ଏଥିସହ ୧୫୦୦ କ୍ଳବରେ ଏଣ୍ଟ୍ରି କରିଛି ପୁଷ୍ପା ୨ l ତେବେ କହିରଖୁଛୁ ଯେ ପ୍ରଭାସଙ୍କ ଅଭିନୀତ ବାହୁବଳୀ ୨ ବିଶ୍ଵବ୍ୟାପୀ ୧୭୮୮.୦୬ ଟଙ୍କା ରୋଜଗାର କରିଥିଲା l ପୁଷ୍ପା ୨ ପାଇଁ ଏହି ରେକର୍ଡ ଅତିକ୍ରମ କରିବାକୁ ଆହୁରି କିଛି ଦିନ ଲାଗିପାରେ ବୋଲି କହିଛନ୍ତି ପହିମ ନିର୍ମାତା l
ସୂଚନାଯୋଗ୍ୟ, ଦେଶରେ ଚଳଚ୍ଚିତ୍ରଟି ଏହାର ପ୍ରିମିୟର୍ ଦିନ ୧୦.୬୫ କୋଟି ଟଙ୍କା ରୋଜଗାର କରିବା ପରେ ପ୍ରତିଦିନ କେତେ ରୋଜଗାର କରିଚାଲିଛି l ଫିଲ୍ମଟି ରିଲିଜର ଦ୍ଵିତୀୟ ଦିନରେ ୯୩ କୋଟି, ତୃତୀୟ ଦିନ ୧୧୯ କୋଟି, ଚତୁର୍ଥ ଦିନ ୧୪୧ କୋଟି, ପଞ୍ଚମ ଦିନ ୬୪ କୋଟି, ଷଷ୍ଠ ଦିନ ୫୧ କୋଟି, ସପ୍ତମ ଦିନ ୪୩ କୋଟି, ଅଷ୍ଟମ ଦିନ ୩୭ କୋଟି ଏମିତି ମୋଟ ୯୮୨ କୋଟି ଟଙ୍କା ଆଦାୟ କରିସାରିଲାଣି |