ମାଡ୍ରାସ: ଅଲ୍ଲୁ ଅର୍ଜୁନ ଓ ରଶ୍ମିକା ମନ୍ଦାନାଙ୍କ ପୁଷ୍ପା ଦି ରାଇଜ ଫିଲ୍ମ ସାରା ଦେଶରେ ସୁପରହିଟ ହୋଇଥିଲା । ରିପୋର୍ଟ ମୁତାବକ ଏହାର ଲୋକପ୍ରିୟତାକୁ ଦେଖି ମେକର୍ସ ଏହାର ପରବର୍ତୀ ପାର୍ଟକୁ ବିଗ ବଜେଟରେ ନିର୍ମାଣ କରିବେ । ପ୍ରଥମ ପାର୍ଟରେ ୧୯୫ କୋଟି ବଜେଟ ଥିବା ବେଳେ ଏବେ ଏହାକୁ ୩୫୦ କୋଟିରେ ନିର୍ମାଣ କରାଯିବ । ନିର୍ଦ୍ଦେଶକ ସୁକୁମାର ଫିଲ୍ମର ଶୁଟିଂ ଜୁଲାଇର ଶେଷ ସପ୍ତାହରେ ଆରମ୍ଭ କରିବା ପାଇଁ ବିଚାର କରୁଛନ୍ତି । ଏ ନେଇ ଚୂଡାନ୍ତ ଘୋଷଣା କରାଯାଇ ନାହିଁ । ସ୍କ୍ରିପ୍ଟର କାର୍ଯ୍ୟ ଅନ୍ତିମ ପର୍ଯ୍ୟାୟରେ ରହିଛି । ଗୋଦାବରୀର ମାରଦୁମିଲି ଜଙ୍ଗଲରେ ଅଧିକାଂଶ ଦୃଶ୍ୟ ଶୁଟିଂ ହେବ ।
ପ୍ରଥମ ପାର୍ଟର ପୋଷ୍ଟ ପ୍ରଡକ୍ସନ କାର୍ଯ୍ୟ ତରବରିଆ ଭାବେ କରାଯାଇଥିବାରୁ କେତେକ ତ୍ରୁଟି ରହିଥିଲା । ଏଥର ମେକର୍ସ ଏହାକୁ ଆହୁରି ଭଲ ଭାବେ ନିର୍ମାଣ କରିବାକୁ ଚାହୁଁଛନ୍ତି । ପୁଷ୍ପା ଦି ରାଇଜ ଫିଲ୍ମ କେବଳ ହିନ୍ଦୀ ଭର୍ସନରେ ୧୧୦ କୋଟି ଆୟ କରିଥିଲା । ଏହାର ଗୀତ, ଷ୍ଟାଇଲ ଏବଂ ଷ୍ଟୋରୀ ସମସ୍ତଙ୍କୁ ପସନ୍ଦ ଆସିଥିଲା ।
Comments are closed.