ଟୋକିଓ: ଭାରତର ବ୍ୟାଡମିଂଟନ ତାରକା ପିଭି ସିନ୍ଧୁ ଚଳିତ ଟୋକିଓ ଅଲିମ୍ପିକ୍ସର ମହିଳା ସିଙ୍ଗଲ୍ସ ବିଭାଗରେ ପ୍ରବେଶ କରିଛନ୍ତି । ସେ ପଦକ ହାସଲରୁ ଆଉ ମାତ୍ର ଗୋଟିଏ ପାଦ ଦୂରରେ ରହିଛନ୍ତି । ସଂଘର୍ଷପୂର୍ଣ୍ଣ କ୍ୱାର୍ଟର ଫାଇନାଲରେ ସିନ୍ଧୁ ଜାପାନର ଆକାନେ ୟାମାଗୁଚିଙ୍କୁ ୨୧-୧୩ ଓ ୨୨-୨୦ରେ ପରାସ୍ତ କରିଥିଲେ । ମ୍ୟାଚରେ ବିଜୟ ହାସଲ କରିବା ପାଇଁ ତାଙ୍କୁ ୫୬ ମିନିଟ ସମୟ ଲାଗିଥିଲା । ରିଓ ଅଲିମ୍ପିକ୍ସରେ ରୌପ୍ୟ ପଦକ ଜିତିଥିବା ସିନ୍ଧୁ ଏଥର ସ୍ୱର୍ଣ୍ଣ ଟାର୍ଗେଟରେ ରହିଛନ୍ତି ।
ହକି: ଜାପାନକୁ ହରାଇଲ ଭାରତ: ପୁରୁଷ ହକିରେ ମଧ୍ୟ ଆଜି ଭାରତୀୟ ଖେଳାଳିମାନେ ଚମତ୍କାର ପ୍ରଦର୍ଶନ କରିଛନ୍ତି । ଭାରତ ପୁଲ ଏର ଅନ୍ତିମ ମ୍ୟାଚରେ ଜାପାନକୁ ୫-୩ରେ ପରାସ୍ତ କରିଛି । ଏଥିସହ ପୁଲରେ ଦ୍ୱିତୀୟ ସ୍ଥାନରେ ରହି ଭାରତ କ୍ୱାର୍ଟର ଫାଇନାରେ ପ୍ରବେଶ କରିଛି । ଭାରତ ପକ୍ଷରୁ ଗୁରଜନ୍ତ ସିଂ ୨ଟି, ହରମନପ୍ରୀତ ସିଂ, ସମଶେର ସିଂ, ନୀଳକାନ୍ତ ଶର୍ମା ଗୋଲ ଦେଇଥିଲେ । ଜାପାନ ପକ୍ଷରୁ କେଂଟା ଟାନାକା ୨ଟି ଓ କୋଟା ୱାଟାନାବେ ଗୋଟିଏ ଗୋଲ ସ୍କୋର କରିଥିଲେ ।
Comments are closed.