ମୁମ୍ବାଇ: ରାତି ପାହିଲେ ବିବାହ ବନ୍ଧନରେ ବାନ୍ଧି ହେବେ ବଲିଉଡ ଅଭିନେତ୍ରୀ ପରିଣୀତି ଚୋପ୍ରା ଓ ସାଂସଦ ରାଘବ ଚଢ଼ା । ଆଜି ମେହେନ୍ଦୀ କାର୍ଯ୍ୟକ୍ରମ ଧୂମ୍ଧାମ୍ରେ ଆୟୋଜନ ହୋଇଥିବା ବେଳେ ଆସନ୍ତାକାଲି ହେବ ବାହାଘର । ରାଜସ୍ଥାନର ଉଦୟପୁରରେ ଥିବା ‘ଦି ଲୀଲା ପ୍ୟାଲେସ’ରେ ଉଭୟଙ୍କ ବିବାହ ପୂର୍ବ ରୀତିନୀତି ଆରମ୍ଭ ହୋଇସାରିଛି । ହେଲେ ଉଭୟଙ୍କ ସମ୍ପତ୍ତି ତାଲିକା ଦେଖିଲେ ରାଘବଙ୍କଠାରୁ ପରିଣୀତି ଢେର ଆଗରେ । ଜାଣନ୍ତୁ କାହାର କେତେ ସମ୍ପତ୍ତି ।
ଉଭୟଙ୍କ ବୟସରେ କେବଳ ୨୫ଦିନର ପାର୍ଥକ୍ୟ ରହିଛି । ହେଲେ ରୋଜଗାର ଦେଖିବାକୁ ଗଲେ ଦୁହିଁଙ୍କ ମଧ୍ୟରେ ରହିଛି ଆକାଶ-ପାତାଳର ଫରକ । ସମ୍ପତ୍ତି ଦେଖିଲେ ପରିଣୀତିଙ୍କଠାରୁ ରାଘବ ଢ଼େର ପଛରେ । ପରିଣୀତି ୯୯ଲକ୍ଷ ଟଙ୍କା ମୂଲ୍ୟର ଜାଗୁଆର କାରରେ ବୁଲୁଥିବାବେଳେ ରାଘବଙ୍କ ମୋଟ ସମ୍ପତ୍ତି ମୂଲ୍ୟ ଏହାର ଅଧା ଅଟେ । ପରିଣୀତି ୬୦କୋଟିର ମାଲିକାଣୀ ହୋଇଥିବା ବେଳେ ରାଘବ ମାତ୍ର ୫୦ଲକ୍ଷ ଟଙ୍କାର ମାଲିକ ଅଟନ୍ତି । ପରୀଙ୍କ ପାଖରେ ଅଡି ଏ୬, ଜାଗୁଆର ଏକ୍ସଜେଏଲ, ଅଡି କ୍ୟୁ୫ ରହିଛି । ଜାଗୁଆରର ମୂଲ୍ୟ ୯୯ଲକ୍ଷ ଟଙ୍କା ବୋଲି କୁହାଯାଉଥିବା ବେଳେ ଅଡି ଏ୬ର ମୂଲ୍ୟ ୬୧ଲକ୍ଷ ଟଙ୍କା ଏବଂ ଅଡି କ୍ୟୁ୫ର ମୂଲ୍ୟ ୫୫ଲକ୍ଷ ଟଙ୍କା ବୋଲି ଜଣାପଡ଼ିଛି ।
ଅନ୍ୟପକ୍ଷରେ ରାଘବ ଚଢ଼ାଙ୍କ ପାଖରେ କେବଳ ୨୦୦୯ ମଡେଲ ମାରୁତି ସ୍ୱିଫ୍ଟ ଡିଜାୟାର କାର ରହିଛି । ରାଘବ ବର୍ତ୍ତମାନ ରାଜନୀତିରେ ସକ୍ରିୟ ଥିବା ବେଳେ ଆମ୍ ଆଦମୀ ପାର୍ଟିର ଜଣେ ରାଜ୍ୟସଭା ସାଂସଦ ଅଟନ୍ତି । ଜଣେ ସାଂସଦ ଭାବରେ ରାଘବଙ୍କ ମାସିକ ଦରମା ହେଉଛି ୩୦ହଜାର । ଏହା ସହିତ ଅନେକ ଭତ୍ତା ତାଙ୍କୁ ମିଳୁଛି, ଯାହାକୁ ମିଶାଇଲେ ତାଙ୍କର ମାସିକ ଆୟ ମାତ୍ର ୧ଲକ୍ଷ ଟଙ୍କା । ଏହା ବ୍ୟତୀତ ସାଂସଦ ଭାବେ ତାଙ୍କୁ ଅନେକ ସୁବିଧା ମଧ୍ୟ ମିଳିଥାଏ । ରୋଜଗାର କ୍ଷେତ୍ରରେ ପରିଣୀତି ରାଘବଙ୍କଠାରୁ ବହୁତ ଆଗରେ । ପରିଣୀତି ଗୋଟିଏ ମାସରେ ୬୦ଲକ୍ଷରୁ ଅଧିକ ରୋଜଗାର କରନ୍ତି । ପରିଣୀତିଙ୍କର ମୁମ୍ବାଇରେ ବିଳାସପୂର୍ଣ୍ଣ ଆପାର୍ଟମେଣ୍ଟ ଅଛି ।
Comments are closed.