ବାଙ୍ଗାଲୋର: ଭାରତୀୟ ଟିମ ଆସନ୍ତା ମାସରେ ରାହୁଲ ଡ୍ରାଭିଡଙ୍କ ପ୍ରଶିକ୍ଷଣରେ ଦିନିକିଆ ବିଶ୍ୱକପ କ୍ରିକେଟ ଖେଳିବାକୁ ଯାଉଛି । ଇତି ମଧ୍ୟରେ ଡ୍ରାଭିଡଙ୍କୁ ଗୌରବାନ୍ୱିତ କରିବା ଭଳି ଖବର ସମ୍ମୁଖକୁ ଆସିଛି । ଭାରତୀୟ କ୍ରିକେଟର ଦି ୱାଲ ଭାବେ ପରିଚିତ ଡ୍ରାଭିଡଙ୍କ ପୁଅ ସମିତ ୧୯ ବର୍ଷରୁ କମ କର୍ଣ୍ଣାଟକ ଦଳରେ ସ୍ଥାନ ପାଇଛନ୍ତି । ହାଇଦ୍ରାବାଦରେ ୧୨ରୁ ୨୦ ଅକ୍ଟୋବର ପର୍ଯ୍ୟନ୍ତ ହେବାକୁ ଥିବା ଭିନୁ ମଙ୍କଡ ଟ୍ରଫିରେ ସେ କର୍ଣ୍ଣାଟକ ପକ୍ଷରୁ ଖେଳିବେ । ୧୪ ବର୍ଷରୁ କମ କର୍ଣ୍ଣାଟକ ଦଳରେ ସମିତ ପୂର୍ବରୁ ଖେଳି ସାରିଛନ୍ତି । ପ୍ରଥମ ଥର ପାଇଁ ସେ ୧୯ ବର୍ଷରୁ କମ ଦଳରେ ସୁଯୋଗ ପାଇଛନ୍ତି ।
ପୂର୍ବରୁ ରାହୁଲ ଡ୍ରାଭିଡ ସିନିୟର ସ୍ତରରେ ଖେଳିବା ପୂର୍ବରୁ ୧୫, ୧୭ ଓ ୧୯ ବର୍ଷରୁ କମ ଦଳରେ ଖେଳିଥିଲେ । ୧୯୯୧ରେ ସେ ରଣଜୀ ଟ୍ରଫିରେ ପଦାର୍ପଣ କରିଥିଲେ । ୨୦୧୯ କର୍ଣ୍ଣାଟକ ଇଂଟରଜୋcନ ଟୁର୍ଣ୍ଣାମେଂଟରେ ସମିତ ଦ୍ୱିଶତକ ହାସଲ କରି ସମସ୍ତଙ୍କୁ ପ୍ରଭାବିତ କରିଥିଲେ ।
Comments are closed.