ରାତିରେ ଟିକେଟ ଚେକିଂ ସହ ବିନା ଟିକେଟରେ ଯାଉଥିବା ମହିଳା ଯାତ୍ରୀଙ୍କୁ ଟ୍ରେନରୁ ଓହ୍ଲାଇପାରିବେନି ଟିଟିଇ

ନୂଆଦିଲ୍ଲୀ: ପ୍ରତିଦିନ ଲକ୍ଷାଧିକ ଲୋକ ଟ୍ରେନ ମାଧ୍ୟମରେ ନିଜ ଗନ୍ତବ୍ୟ ସ୍ଥଳକୁ ଯାତ୍ରା କରନ୍ତି | ଏଭଳି ପରିସ୍ଥିତିରେ ଦେଶ ମଧ୍ୟରେ ଅନେକ ଟ୍ରେନ୍ ଚଳାଚଳ କରୁଛି। ତେବେ ଯାତ୍ରା ସମୟରେ ଯାତ୍ରୀମାନେ ଯେଭଳି କୌଣସି ପ୍ରକାରର ସମସ୍ୟାର ସମ୍ମୁଖୀନ ନ ହେବେ ସେଥିପାଇଁ ଭାରତୀୟ ରେଳବାଇ ଅନେକ ନିୟମ କରିଛି। ଅନେକ ସମୟରେ ଦେଖାଯାଏ ଯେ ଅନେକ ଲୋକ ବିନା ଟିକେଟରେ ଟ୍ରେନରେ ଯାତ୍ରା କରନ୍ତି | ବିନା ଟିକେଟରେ ଟ୍ରେନରେ ଯାତ୍ରା କରିବା ବେଆଇନ । ଯଦି ଏପରି କେହି ଯାତ୍ରା କରୁଥାନ୍ତି, ତେବେ ତାଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରେ | ତେବେ ଆଜି ଆମେ ଆପଣଙ୍କୁ ଭାରତୀୟ ରେଳର ଏକ ବିଶେଷ ନିୟମ ବିଷୟରେ କହିବାକୁ ଯାଉଛୁ, ଯାହା ବିଷୟରେ ଆପଣଙ୍କ ମଧ୍ୟରୁ ଖୁବ କମ ଲୋକ ଜାଣିଥିବେ | ଆପଣ ଜାଣନ୍ତି କି ବିନା ଟିକେଟରେ ଯାତ୍ରା କରୁଥିବା ଜଣେ ମହିଳାଙ୍କୁ ଟ୍ରେନରୁ ଟିଟିଇ ଓହ୍ଲାଇପାରିବେ ନାହିଁ |

ଭାରତୀୟ ରେଳ ନିୟମରେ ଏହା ସ୍ପଷ୍ଟ ଭାବରେ ଉଲ୍ଲେଖ କରାଯାଇଛି ଯେ ଯଦି ଜଣେ ମହିଳା କିମ୍ବା ପିଲା ରାତିରେ ବିନା ଟିକେଟରେ ଟ୍ରେନରେ ଯାତ୍ରା କରୁଥାନ୍ତି, ଏହି ପରିସ୍ଥିତିରେ ଟିଟିଇ ତାଙ୍କୁ ଟ୍ରେନରୁ ଓହ୍ଲାଇପାରିବେ ନାହିଁ | ସେହିପରି ଭାରତୀୟ ରେଳବାଇର ନିୟମ ଅନୁଯାୟୀ, ଆପଣଙ୍କର ଯାତ୍ରା ସମୟରେ ରାତି ୧୦ଟା ପରେ ଟିଟିଇ ଆପଣଙ୍କ ଟିକେଟ ଯାଞ୍ଚ କରିପାରିବେ କରିପାରିବ ନାହିଁ | କେବଳ ସକାଳ ୬ଟା ରୁ ରାତି ୧୦ଟା ପର୍ଯ୍ୟନ୍ତ ଟିକେଟ୍ ଯାଞ୍ଚ କରିବାର ଅଧିକାର ଟିଟିଇଙ୍କ ପାଖରେ ଅଛି | ଯଦି କୌଣସି ଟିଟିଇ ଏହି ନିର୍ଦ୍ଦେଶାବଳୀକୁ ଅନୁସରଣ କରିବେ ନାହିଁ, ତା’ହେଲେ ତାଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରିବ |