ଭୁବନେଶ୍ୱର: ଯାତ୍ରୀଙ୍କ ସ୍ୱାର୍ଥକୁ ସର୍ବୋଚ୍ଚ ପ୍ରାଥମିକତା ଦେଇ ରେଳ ମନ୍ତ୍ରାଳୟ ଦେଶର କେତେକ ରେଳ ଷ୍ଟେସନରେ ପ୍ରଧାନମନ୍ତ୍ରୀ ଭାରତୀୟ ଜନୌଷଧି କେନ୍ଦ୍ର (PMBJKs) ପ୍ରତିଷ୍ଠା କରିବା ପାଇଁ ପ୍ରସ୍ତୁତି ଚଳାଇଛି। ଏହି ପଦକ୍ଷେପର ଉଦ୍ଦେଶ୍ୟ ସମସ୍ତଙ୍କୁ ସୁଲଭ ମୂଲ୍ୟରେ ଉନ୍ନତମାନର ଔଷଧ ଉପଲବ୍ଧ କରାଇବା।
ପାଇଲଟ୍ ପ୍ରୋଜେକ୍ଟରେ 50ଟି ଷ୍ଟେସନରେ ପ୍ରଧାନମନ୍ତ୍ରୀ ଭାରତୀୟ ଜନୌଷଧି କେନ୍ଦ୍ର ପ୍ରତିଷ୍ଠା କରାଯିବ, ଯେଉଁଥିରେ ଓଡ଼ିଶାର ଗୋଟିଏ (ଖୋର୍ଦ୍ଧା ରୋଡ୍) ମଧ୍ୟ ସାମିଲ ରହିଛି।
ଏହି ଯୋଜନା ଅଧୀନରେ ପ୍ରଧାନମନ୍ତ୍ରୀ ଭାରତୀୟ ଜନୌଷଧି କେନ୍ଦ୍ର ଯାତ୍ରୀଙ୍କୁ ‘ଇଚ୍ଛାକୃତ ଯାତ୍ରୀ ସୁବିଧା’ ଭାବେ ବିବେଚନା କରାଯିବ। ଏବଂ ସେହି ଅନୁସାରେ ରେଳବାଇ ବ୍ୟବସାୟିକ ଭିତ୍ତିରେ ଲାଇସେନ୍ସଧାରୀଙ୍କ ଦ୍ୱାରା ପରିଚାଳନା ପାଇଁ ସମ୍ପ୍ରସାରିତ ଅଞ୍ଚଳ ଏବଂ ଷ୍ଟେସନଗୁଡ଼ିକରେ ଆଉଟଲେଟ୍ ପ୍ରଦାନ କରିବ।
ପ୍ରଧାନମନ୍ତ୍ରୀ ଭାରତୀୟ ଜନୌଷଧି କେନ୍ଦ୍ରର ରେଳ ଡିଭିଜନ ଦ୍ୱାରା ଚିହ୍ନଟ କରାଯାଇଥିବା ସ୍ଥାନରେ ଲାଇସେନ୍ସଧାରୀଙ୍କ ଦ୍ୱାରା ସ୍ଥାପିତ ଏବଂ ପରିଚାଳିତ ହେବ। ଆଇଆରଇପିଏସ ମାଧ୍ୟମରେ ସମ୍ପୃକ୍ତ ରେଳ ଡିଭିଜନ ଭଳି ଇ-ନିଲାମ ଦ୍ୱାରା ଷ୍ଟଲ ଯୋଗାଇ ଦିଆୟିବ।
ଏହି ଷ୍ଟଲଗୁଡ଼ିକୁ ଏନଆଇଡି ଅହମ୍ମଦାବାଦ ପକ୍ଷରୁ ଡିଜାଇନ୍ କରାଯିବ। ପ୍ରଧାନମନ୍ତ୍ରୀ ଭାରତୀୟ ଜନୌଷଧି କେନ୍ଦ୍ର ଆଉଟଲେଟର ସଫଳ ନଲାମଧାରୀଙ୍କୁ ଔଷଧ ଦୋକାନ ଚଳାଇବା ପାଇଁ ଆବଶ୍ୟକ ଅନୁମତି ଏବଂ ଲାଇସେନ୍ସ ସଂଗ୍ରହ କରିବାକୁ ପଡିବ। ଔଷଧ ସଂରକ୍ଷଣ ପାଇଁ ସମସ୍ତ ବୈଧାନିକ ଆବଶ୍ୟକତାକୁ ପାଳନ କରିବାକୁ ପଡିବ ବୋଲି ରିପୋର୍ଟରେ କୁହାଯାଇଛି।
Comments are closed.