ଜୟପୁର:ବିବାଦୀୟ ବିବାହ ପଞ୍ଜୀକରଣ ସଂଶୋଧନ ବିଲ୍ ୨୦୨୧କୁ ପ୍ରତ୍ୟାହାର କରିବାକୁ ରାଜସ୍ଥାନ ସରକାର ଘୋଷଣା କରିଛନ୍ତି। ସଢ଼ଘ୍ର ଣଶଝ୍ୟଷଣ ଏ ନେଇ ବିବାଦ ଉପୁଜିଥିବାରୁ ରାଜ୍ୟ ସରକାର ଏହାକୁ ପ୍ରତ୍ୟାହାର କରିବାକୁ ଘୋଷଣା କରିଛନ୍ତି।
ଗତ ମାସରେ ରାଜ୍ୟ ବିଧାନସଭାରେ ସରକାର ଏହି ବିଲ୍ ପାରିତ କରିଥିଲେ କିନ୍ତୁ ବିରୋଧୀ ତଥା ଦେଶର ସାମାଜିକ କଲ୍ୟାଣ ସଂଗଠନ ଏହାକୁ ବିରୋଧ କରିଥିଲେ।
ଅଗଷ୍ଟ ୧୬ରେ, ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ୍ ରାଜସ୍ଥାନ ବାଧ୍ୟତାମୂଳକ ରେଜିଷ୍ଟ୍ରେସନ୍ ଅଫ୍ ମ୍ୟାରେଜ୍ (ସଂଶୋଧନ) ବିଲ୍କୁ ରାଜ୍ୟସଭାରେ ଆଗେଇ ନେଇଥିଲେ। ପାରିତ ହୋଇଥିବା ଏହି ବିଲ୍ ରାଜସ୍ଥାନ ବାଧ୍ୟତାମୂଳକ ପଞ୍ଜୀକରଣ ବିବାହ ନିୟମ, ୨୦୦୯ ର ଧାରା ୮ ରେ ସଂଶୋଧିତ ହୋଇଛି।
ଆଇନର ମୂଳ ବ୍ୟବସ୍ଥାରେ ଯଦି କନ୍ୟା ଏବଂ ବରର ବୟସ ୨୧ ବର୍ଷରୁ କମ୍ ହୋଇଥାଏ ତେବେ ୩୦ ଦିନ ମଧ୍ୟରେ ବିବାହର ବାଧ୍ୟତାମୂଳକ ପଞ୍ଜିକରଣ ଆବଶ୍ୟକ।
ସଂଶୋଧିତ ସଂସ୍କରଣରେ କୁହାଯାଇଛି ଯେ ଯଦି ବିବାହ ସମୟରେ କନ୍ୟାର ବୟସ ୧୮ ବର୍ଷରୁ କମ୍ ଓ ବରର ବୟସ ୨୧ ବର୍ଷରୁ କମ୍ ତେବେ ପିତାମାତା ବିବାହର ୩୦ ଦିନ ମଧ୍ୟରେ ପଞ୍ଜିକରଣ କରିବେ।