ମୁମ୍ବାଇ: ଲୋକପ୍ରିୟ ନିର୍ମାତା ରାଜକୁମାର ହୀରାନୀ ତାଙ୍କ ଫିଲ୍ମ ମାଧ୍ୟମରେ ଦର୍ଶକଙ୍କ ମନ ଜିଣିବାରେ ସଫଳ ହୋଇଛନ୍ତି । ସଂଜୟ ଦତ, ଶାହାରୁଖ ଖାଁ ଓ ଅମୀର ଖାଁଙ୍କ ସହ ସେ ଫିଲ୍ମ କରିଛନ୍ତି । ଏବେ ରାଜକୁମାର ତାଙ୍କ ପୁତ୍ର ବୀର ହିରାନୀଙ୍କ ସହ ଫିଲ୍ମ କରିବାକୁ ଯାଉଛନ୍ତି । ଏହି ଫିଲ୍ମ ଓଟିଟି ପ୍ଲାଟଫର୍ମରେ ରିଲିଜ ହେବ । ଯୁବ ପିଢ଼ୀଙ୍କ ମନ ଛୁଇଁବା ସହ ଫିଲ୍ମରେ ଏକ ବାର୍ତା ରହିବ ବୋଲି ଜଣାପଡିଛି । ରାଜକୁମାର ଏବେ ପ୍ରି ପ୍ରଡକ୍ସନ କାର୍ଯ୍ୟ ଆରମ୍ଭ କରିଛନ୍ତି ।
ବୀର ଲଣ୍ଡନର ରୟାଲ ଏକାଡେମୀ ଅଫ ଡ୍ରାମାଟିକ ଆର୍ଟରେ ସ୍ନାତକ କରିଛନ୍ତି । ସେଠାରେ ସେ ଥିଏଟରରେ ତାଙ୍କ କ୍ୟାରିୟର ଆରମ୍ଭ କରିଥିଲେ । ଲେଟସ ଫ୍ରମ ସୁରେଶରେ ସେ ୩୫ ମିନିଟର ଚମକପ୍ରଦ ଅଭିନୟ କରିଥିଲେ । ଏହାର ନିର୍ଦ୍ଦେଶନା ଫରୋଜ ଅବାସ ଖାଁ ଦେଇଥିଲେ । ରାଜକୁମାର ମୁନ୍ନା ଭାଇ ଏମବିବିଏସ, ଲଗେ ରହୋ ମୁନ୍ନା ଭାଇ, ଥ୍ରୀ ଇଡିଏଟ୍ସ, ପିକେ ଓ ଡଙ୍କି ପରି ଫିଲ୍ମ କରିଛନ୍ତି । ତାଙ୍କର ଏହି ଫିଲ୍ମ ପ୍ରତି ମଧ୍ୟ ଦର୍ଶକଙ୍କ ଉତ୍କଣ୍ଠା ରହିବ ବୋଲି ଆଶା କରାଯାଉଛି ।