ମୁମ୍ବାଇ: ଆଲିଆଙ୍କୁ ନୁହେଁ, ଆଉ ଜଣେ ବଲିଉଡ଼ର ଆଗଧାଡ଼ିର ଅଭିନେତ୍ରୀଙ୍କୁ ବିବାହ କରିବାକୁ ଚାହୁଁଥିଲେ ବୋଲି କହିଛନ୍ତି ରଣବୀର କପୁର । ଏହାର ଏକ ଭିଡ଼ିଓ ଏବେ ଖୁବ୍ ଭାଇରାଲ ହେବାରେ ଲାଗିଛି ।
ବଲିଉଡର ଜଣାଶୁଣା ଚଳଚ୍ଚିତ୍ର ନିର୍ମାତା କରଣ ଜୋହର ତାଙ୍କ ସୋ’ ‘କଫି ଉଇଥ କରଣ’ର ନୂଆ ସିଜିନ ପାଇଁ ଚର୍ଚ୍ଚାରେ ଅଛନ୍ତି । କରଣଙ୍କ ସୋ’ର ଅଷ୍ଟମ ସିଜିନ ଖୁବ୍ ଶୀଘ୍ର ଆରମ୍ଭ ହେବାକୁ ଯାଉଛି । ଏହି ସମୟରେ ସୋ’ ସହିତ ଜଡିତ ଅନେକ ପ୍ରୋମୋ ମଧ୍ୟ ସାମ୍ନାକୁ ଆସିଛି । ଏହାକୁ ଦେଖିଲେ ଲାଗୁଛି ଯେ, ସୋ’ର ଟିଆରପି ପାଇଁ ଏଥର ଆହୁରି ଅଧିକ ବିବାଦୀୟ ପ୍ରଶ୍ନ ପଚାରିବେ କରଣ । ନୂଆ ସିଜିନ ଆରମ୍ଭ ହେବା ପୂର୍ବରୁ ଏବେ ପୁରୁଣା ସିଜିନର ଏକ ଭିଡିଓ ଭାଇରାଲ ହେଉଛି । ଭିଡିଓରେ ରଣବୀର କପୁର ଆଲିଆଙ୍କୁ ନୁହେଁ ବରଂ ଅନୁଷ୍କା ଶର୍ମାଙ୍କୁ ବିବାହ କରିବାକୁ ଚାହୁଥିବା କହୁଛନ୍ତି ।
କରଣ ଜୋହର ପ୍ରଶ୍ନ କରୁଛନ୍ତି ଯେ, ଆଲିଆ ଭଟ୍ଟ, ଅନୁଷ୍କା ଶର୍ମା ଓ ଜାକଲିନ ଫର୍ଣ୍ଣାଡିଜଙ୍କ ମଧ୍ୟରୁ କାହାକୁ ‘କିଲ୍’, ‘ମ୍ୟାରି’ ଓ ‘ହୁକ୍ ଅପ’ କରିବାକୁ ଚାହୁଛ । ଉତ୍ତରରେ ରଣବୀର କହୁଛନ୍ତି ଯେ, ସେ ଅନୁଷ୍କା ଶର୍ମାଙ୍କୁ ବିବାହ କରିବାକୁ ଚାହୁଛନ୍ତି । ହେଲେ ଯେହେତୁ ସେ ଏବେ ବିବାହ କରି ଖୁସିରେ ଅଛନ୍ତି, ତେଣୁ ସେ ଆଉ କାହାକୁ ବିବାହ କରିବାକୁ ଚାହିବେ ନାହିଁ । ଆଲିଆଙ୍କ ନାମ ବିକଳ୍ପରେ ଥାଇ ବି ସେ ଆଲିଆଙ୍କ ସହ କେବଳ ‘ହୁକ୍ ଅପ’ କରିବାକୁ ଚାହାନ୍ତି ବୋଲି କହିଥିବା ଦେଖାଯାଇଛି ।
Comments are closed.