ମୁମ୍ବାଇ: ବଲିଉଡ଼ ଅଭିନେତା ରଣବୀର କପୁର ତାଙ୍କ ଆଗାମୀ ଅଭିନିତ ଫିଲ୍ମ ‘ଆନିମଲ’କୁ ନେଇ ଖୁବ୍ ଚର୍ଚ୍ଚାରେ ଅଛନ୍ତି । ନିକଟରେ ଏହି ଫିଲ୍ମର ଟିଜର ରିଲିଜ୍ ହୋଇଯାଇଛି । ଏହି ଟିଜରରେ ରଣବୀର କପୁର ଭିନ୍ନ ଲୁକ୍ ରେ ନଜର ଆସିଛନ୍ତିି । ଏଥିରେ ରଣବୀର ସିଗାରେଟ ଟାଣୁଥିବା ଦେଖିବାକୁ ମିଳିଛି । ଟିଜର ପୂର୍ବରୁ ଫିଲ୍ମକୁ ନେଇ ଦର୍ଶକଙ୍କ ମନରେ ଯେତିକି ଉତ୍କଣ୍ଠା ଥିଲା ଟିଜର ରିଲିଜ୍ ପରେ ଏହା ଆହୁରି ବଢ଼ିଯାଇଛି । ଏହି ଫିଲ୍ମ ପାଇଁ ରଣବୀର ତାଙ୍କର ୫୦ପ୍ରତିଶତ ପାରିଶ୍ରମିକ କମ୍ କରିଥିବା ଜଣାପଡ଼ିଛି ।
ଅଭିନେତା ରଣବୀର କପୁର ପ୍ରତି ଫିଲ୍ମ ପାଇଁ ପ୍ରାୟ ୭୦କୋଟି ନେଇଥାନ୍ତି । ହେଲେ ଏହି ଫିଲ୍ମ ପାଇଁ ସେ ମାତ୍ର ୩୫ କୋଟି ଟଙ୍କା ନେଇଛନ୍ତି । ଏହାର କାରଣ ଫିଲ୍ମର ପୋଷ୍ଟ ପ୍ରଡକ୍ସନ କାମ ଶେଷ ହେବାକୁ ବିଳମ୍ବ ହେବାରୁ ଏଥିରେ ପ୍ରଯୋଜକଙ୍କୁ ଅଧିକ ଟଙ୍କା ଖର୍ଚ୍ଚ କରିବାକୁ ପଡ଼ୁଛି । ଏହାକୁ ନଜରରେ ରଖି ରଣବୀର ନିଜର ପାରିଶ୍ରମିକ କମ କରିବାକୁ ନିଷ୍ପତ୍ତି ନେଇଥିବା ଜଣାପଡ଼ିଛି । ଏହି ଫିଲ୍ମଟି ଆସନ୍ତା ଡିସେମ୍ବର ୧ରେ ରିଲିଜ୍ ହେବ । ଏହା ହିନ୍ଦୀ, ତେଲୁଗୁ, ତାମିଲ, କନ୍ନଡ, ମାଲାୟାଲମ୍ ସମେତ ଅନେକ ଭାଷାରେ ରିଲିଜ୍ ହେବ । ଏଥିରେ ରଣବୀର, ରଶ୍ମିକା ମନ୍ଦନା, ବବି ଦେଓଲ୍, ଅନିଲ କପୁର ଏବଂ ତ୍ରୁପ୍ତି ଡିମ୍ରି ପ୍ରମୁଖ ଭୂମିକାରେ ନଜର ଆସିବେ ।
Comments are closed.