ମୁମ୍ବାଇ: ୯୦ ଦଶକରୁ ରାଣୀ ମୂର୍ଖାଜୀ ବିଭିନ୍ନ ଭୂମିକା ମାଧ୍ୟମରେ ଦର୍ଶକଙ୍କୁ ମନୋରଞ୍ଜନ କରି ଆସୁଛନ୍ତି । ଏବେ ସେ ଖୁବ ଶୀଘ୍ର କ୍ରାଇମ ଥ୍ରୀଲର ମର୍ଦ୍ଦାନୀ ୩ ପାଇଁ ପ୍ରସ୍ତୁତି ଆରମ୍ଭ କରି ଦେଇଛନ୍ତି । ଏବେ ଫିଲ୍ମର କାହାଣୀ ଚୟନ ଉପରେ ୱାଇଆରଏଫ ପକ୍ଷରୁ କାର୍ଯ୍ୟ ଆରମ୍ଭ ହୋଇଛି । ଏହା ଚୂଡାନ୍ତ ହେବା ପରେ ଫିଲ୍ମ ଆରମ୍ଭ ହେବ ବୋଲି ସେ ସୂଚନା ଦେଇଛନ୍ତି । ୨୦୧୪ରେ ରାଣୀ ମର୍ଦ୍ଦାନୀ ଫିଲ୍ମରେ ଏକ ସଶକ୍ତ ପୋଲିସ ଅଫିସରର ଭୂମିକା କରି ସମସ୍ତଙ୍କୁ ଚକିତ କରି ଦେଇଥିଲେ । ଫିଲ୍ମଟ ବକ୍ସ ଅଫିସରେ ଭଲ ବ୍ୟବସାୟ କରିଥିଲା । ଏହା ପରେ ୨୦୧୯ରେ ଏହାର ସିକ୍ୱେଲ ଆସିଥିଲା । ଏହା ମଧ୍ୟ ଦର୍ଶକଙ୍କୁ ବେଶ ପସନ୍ଦ ଆସିବା ସହ ରାଣୀଙ୍କ ଭୂମିକାକୁ ପସନ୍ଦ କରାଯାଇଥିଲା ।
ଜଣେ ଅଭିନେତ୍ରୀ ଭାବେ ମୁଁ ଅଲଗା ଅଲଗା ଭୂମିକା କରିବାକୁ ପସନ୍ଦ କରିଥାଏ । ପ୍ରଥମ ଥର ପାଇଁ ଏକା ପ୍ରକାରର ଚରିତ୍ର ତୃତୀୟ ଥର ପାଇଁ କରିବାକୁ ଯାଉଥିବାରୁ ସାମାନ୍ୟ ନର୍ଭସ ଅଛି ବୋଲି ସେ କହିଛନ୍ତି । ତେବେ କ୍ରମାଗତ ଭାବେ ସଫଳତା ହାସଲ କରି ଚାଲିଥିବାରୁ ମୁଁ ବେଶ ଉତ୍ସାହିତ ଅଛି ବୋଲି ସେ କହିଛନ୍ତି । ମିସେଜ ଚାଟାର୍ଜୀ ଭର୍ସେସ ନରୱେ ପରେ ତାଙ୍କର ଆଉ କୌଣସି ଫିଲ୍ମ ରିଲିଜ ହୋଇ ନାହିଁ ।
Comments are closed.