ମୁମ୍ବାଇ: ରଣବୀର ସିଂଙ୍କ ନ୍ୟୁଡ ଫଟୋ ଶୁଟ ଏବେ ବେଶ କିଛି ଦିନ ହେବ ବିଭିନ୍ନ କାରଣରୁ ଚର୍ଚ୍ଚା ସାଁଉଟିବାରେ ଲାଗିଛି । ସୋମବାର ଏହି ଘଟଣା ଥାନାରେ ପଂହଚିଛି । ମୁମ୍ବାଇର ଏକ ଥାନାରେ ମହିଳାଙ୍କ ଭାବବେଗକୁ ଆଘାତ ପଂହଚାଇଥିବା ନେଇ ଜଣେ ବ୍ୟକ୍ତି ମାମଲା ରୁଜୁ କରିଛନ୍ତି । ତେବେ ଏହି ବ୍ୟକ୍ତିଜଣଙ୍କ ସମ୍ପର୍କରେ କୌଣସି ତଥ୍ୟ ମିଳି ନାହିଁ । ରଣବୀର ଫଟୋକୁ କେତେକ ନିନ୍ଦା କରୁଥିବା ବେଳେ ଅନ୍ୟମାନେ ତାହା ତାଙ୍କ ବ୍ୟକ୍ତିଗତ ପସନ୍ଦ ବୋଲି ଦର୍ଶାଇଛନ୍ତି । ଆମେରିକୀୟ ଅଭିନେତା ବର୍ଟ ରିନୋଲ୍ଡସଙ୍କଠାରୁ ଅନୁପ୍ରାଣିତ ହୋଇ ଏହି ଫଟୋଶୁଟ ରଣବୀର କରିଥିବା ଜଣାପଡିଛି । ଆଲିୟା ଭଟ୍ଟ, ସ୍ୱରା ଭାସ୍କର, ରାକ୍ଷୀ ସାୱନ୍ତ, ଅର୍ଜୁନ କାପୁର ପରି କଳାକାର ଏହାକୁ ସମର୍ଥନ କରିଛନ୍ତି । ଟିଏମସି ସାଂସଦ ମିମି ଚକ୍ରବର୍ତି କହିଛନ୍ତି ଯଦି ଜଣେ ମହିଳା ଏ ଭଳି ଫଟୋ ଶୁଟ କରାଇଥାନ୍ତା ତାହାହେଲେ ତାଙ୍କୁ କଣ ପ୍ରଶଂସା କରାଯାଇଥାନ୍ତା । ରଣବୀର ଏବେ ଆଲିୟାଙ୍କ ସହ ରକି ଔର ରାନୀ କି ପ୍ରେମ କାହାନୀର ଶୁଟିଂରେ ବ୍ୟସ୍ତ ଅଛନ୍ତି ।
Comments are closed.