ହେତୁବାଦୀ-ହିନ୍ଦୁ ସଂଗଠନ ମୁହାଁମୁହିଁ: ପୋଲିସର ଲାଠିଚାର୍ଜ

ଭୁବନେଶ୍ୱର : ଉଭୟ ଭୁବନେଶ୍ୱର ଓ ବ୍ରହ୍ମପୁରରେ ହେତୁବାଦୀ ଓ ହିନ୍ଦୁ ସଂଗଠନ ମୁହାଁମୁହିଁ ହୋଇଛନ୍ତି । ଆଜି ଚନ୍ଦ୍ରଗ୍ରହଣ ସତ୍ତ୍ୱେ ହେତୁବାଦୀମାନେ ରାଜରାସ୍ତାରେ ସାମୁହିକ ଭୋଜନ କରୁଛନ୍ତି  । ହେତୁବାଦୀ ବିରିୟାନୀ ଖାଇବାକୁ ଏକତ୍ର ହୋଇଥିଲେ । ଏହି ସମୟରେ ହିନ୍ଦୁ ସଂଗଠନ ବିରୋଧ କରିଥିଲା । ରାଜଧାନୀର ଲୋହିଆ ଏକାଡେମୀରେ ଉଭୟ ପକ୍ଷ ଧସ୍ତାଧସ୍ତି ହୋଇଛନ୍ତି । ଖାଦ୍ୟପରସା ସ୍ଥାନରେ ଉତ୍ତେଜନା ବଢିବାରୁ  ଉପସ୍ଥିତ ପୋଲିସ ଲାଠିଚାର୍ଜ କରିଥିଲା । ବିଶ୍ୱ ହିନ୍ଦୁ ପରିଷଦ, ବଜରଙ୍ଗ ଦଳ, ବ୍ରାହ୍ମଣ ସମାଜ ହେତୁବାଦୀଙ୍କ ବିରିୟାନୀ ଖାଇବାକୁ ବିରୋଧ କରିଥିଲେ । ଏପରିକି ସେମାନଙ୍କ ଉପରକୁ ଗୋବର ଫୋପାଡିଥିଲେ । ହିନ୍ଦୁ ଧର୍ମ ଅନୁସାରେ ପରାଗ ଓ ଗ୍ରହଣର ସ୍ୱତନ୍ତ୍ରତା ରହିଛି । ହିନ୍ଦୁ ଧର୍ମର ହୋଇ ହେତୁବାଦୀ ସର୍ବସାଧାରଣରେ ଗ୍ରହଣ ଦିନ ବିରିୟାନୀ ଖାଇବା ଗ୍ରହଣୀୟ ନୁହେଁ ବୋଲି ହିନ୍ଦୁ ସଂଗଠନ କହିଛନ୍ତି । ଘଣ୍ଟ ବାଡେଇ ଶ୍ରୀରାମ ନାରା ଦେଇଥିଲେ ହିନ୍ଦୁତ୍ୱବାଦୀ ।