ନୂଆଦିଲ୍ଲୀ: ବିଜୟରୁ ଅଷ୍ଟ୍ରେଲିଆ ବିପକ୍ଷ ଟି-ଟ୍ୱେଣ୍ଟି ସିରିଜ ଆରମ୍ଭ କରିଥିବା ଟିମ୍ ଇଣ୍ଡିଆକୁ ଝଟକା ଲାଗିଛି । ଆହତ କାରଣରୁ ସିରିଜକୁ ବାଦ ପଡ଼ିଛନ୍ତି ଅଲରାଉଣ୍ଡର ରବୀନ୍ଦ୍ର ଜାଡେଜା । ତାଙ୍କ ସ୍ଥାନରେ ସାର୍ଦ୍ଦୁଲ ଠାକୁରଙ୍କୁ ସୁଯୋଗ ମିଳିଛି ।
କାନବେଲାରରେ ଗତକାଲି ଅଷ୍ଟ୍ରେଲିଆ ବିପକ୍ଷ ପ୍ରଥମ ଟି-ଟ୍ୱେଣ୍ଟିରେ ବ୍ୟାଟିଂ ବେଳେ ଆହତ ହୋଇଥିଲେ ରବୀନ୍ଦ୍ର ଜାଡେଜା । ଶେଷ ଓଭରରେ ବ୍ୟାଟିଂ ବେଳେ ମିଚେଲ୍ ଷ୍ଟାର୍କଙ୍କ ବାଉନସର ତାଙ୍କ ହେଲମେଟରେ ମାଡ଼ ହୋଇଥିଲା । ସେ ଆହତ ହୋଇଥିଲେ ।
ALERT ?: Ravindra Jadeja ruled out, Shardul Thakur added to #TeamIndia squad for T20I series against Australia #AUSvIND
More details here ?https://t.co/MBw2gjArqU pic.twitter.com/E3a3PkC1UF
— BCCI (@BCCI) December 4, 2020
ବିସିସିଆଇ ପକ୍ଷରୁ କୁହାଯାଇଛି, ବର୍ତ୍ତମାନ ଡାକ୍ତରୀ ଟିମଙ୍କ ତତ୍ତ୍ୱାବବଧାନରେ ଅଛନ୍ତି ଜାଡେଜା । ତାଙ୍କର ମୁଣ୍ଡ ସ୍କାନିଂ କରାଯିବ । ପରବର୍ତ୍ତୀ ମ୍ୟାଚରେ ସେ ଖେଳିବେ ନାହିଁ ।
ଗତକାଲି ପ୍ରଥମ ଟି-ଟ୍ୱେଣ୍ଟିରେ ଜାଡେଜା ୨୩ ବଲରେ ଅପରାଜିତ ୪୪ ରନ୍ କରିଥିଲେ । ଅଷ୍ଟ୍ରେଲିଆ ଆଗରେ ଭାରତ ଦେଇଥିଲା ୧୬୧ରନ୍ ବିଜୟ ଲକ୍ଷ୍ୟ । ମ୍ୟାଚକୁ ୧୧ ରନରେ ଜିତିଥିଲା ଟିମ୍ ଇଣ୍ଡିଆ ।