ଆରସିବି ପ୍ରଥମ ଥର ପାଇଁ ସିଏସକେ ବିପକ୍ଷରେ ଡବଲ ବିଜୟୀ ହୋଇ ପ୍ଲେ-ଅଫ ମୁହାଁ

ବେଙ୍ଗାଲୁରୁ: ଆଇପିଏଲ ୨୦୨୫ର ଅନ୍ୟତମ ରୋମାଞ୍ଚକର ତଥା ହାଇସ୍କୋରିଂ ମ୍ୟାଚ ଶନିବାର ଦେଖିବାକୁ ମିଳିଛି । ଏହି ମ୍ୟାଚରେ ୨ ରନରେ ବିଜୟ ହାସଲ କରି ଆଇପିଏଲ ୨୦୨୫ରେ ପ୍ରଥମ ଥର ପାଇଁ ସିଏସକେ ବିପକ୍ଷରେ ଲିଗ ପର୍ଯ୍ୟାୟରେ ଦୁଇଟି ଯାକ ମ୍ୟାଚ ଜିତିବାରେ ସଫଳ ହୋଇଛି ଆରସିବି। ଏହି ବିଜୟ ସହିତ ଆରସିବି ୧୧ ମ୍ୟାଚରେ ୧୬ ପଏଣ୍ଟ ସହ ପଏଣ୍ଟ ଟେବୁଲର ଶୀର୍ଷରେ ପହଞ୍ଚିଛି । ଯାହା ପ୍ଲେ-ଅଫକୁ ଉନ୍ନୀତ ହେବାର ଆଶା ଅଧିକ ସଞ୍ଚାର ହୋଇଛି ।

ଚିନ୍ନାସ୍ୱାମୀ ଷ୍ଟାଡିୟମରେ ଅନୁଷ୍ଠିତ ଏହି ମ୍ୟାଚରେ ଆରସିବି ପ୍ରଥମେ ବ୍ୟାଟିଂ କରି ୨୦ ଓଭରରେ ୫ ୱିକେଟ ହରାଇ ୨୧୩ ରନ ସଂଗ୍ରହ କରିଥିଲା। ବିରାଟ କୋହଲି (୬୨ ରନ, ୩୩ ବଲ) ଏବଂ ଜାକବ ବେଥେଲ (୫୫ ରନ, ୩୩ ବଲ) ରନ ସଂଗ୍ରହ କରିଥିଲେ। ଓପନିଂ ଯୋଡ଼ିଙ୍କ ଦମଦାର ପ୍ରଦର୍ଶନକୁ ଦଳକୁ ୨୦୦ରନ୍ ମୁହାଁ କରିଥିଲା । ହେଲେ ପରେ ପରେ ଓ୍ୱିକେଟ ଖସିବାରୁ ରନ୍ ୧୮୦ ଭିତରେ ରହିବ ବୋଲି କୁହାଯାଉଥିଲା । ଆରସିବି ୧୭.୪ ଓଭରରେ ୧୫୭ ରନ କରି ୫ଟି ଓ୍ୱିକେଟ ହରାଇଥିଲା। ଏହି ସମୟରେ ରୋମାରିଓ ଶେଫର୍ଡଙ୍କ ଆକ୍ରମଣାତ୍ମକ ୫୩ ରନ (୧୪ ବଲ) ଏବଂ ୧୯ତମ ଓଭରରେ ଖଲିଲ ଅହମଦଙ୍କ ବିପକ୍ଷରେ ୩୩ ରନ ସଂଗ୍ରହ କରି ଆରସିବିକୁ ଏକ ହାଇସ୍କୋରରେ ପହଁଚାଇଥିଲା।

ସିଏସକେ ୨୧୪ ରନର ଲକ୍ଷ୍ୟ ପିଛା କରୁଥିବା ବେଳେ ୧୭ ବର୍ଷୀୟ ଆୟୁଷ ମହତ୍ରେଙ୍କ ଚମତ୍କାର ୯୪ ରନ (୪୮ ବଲ, ୯ ଚୌକା, ୫ ଛକା) ଏବଂ ରବିନ୍ଦ୍ର ଜାଡେଜାଙ୍କ ଅପରାଜିତ ୭୭ ରନ (୪୫ ବଲ) ସହ ଏକ ୧୧୪ ରନ କରିଥିଲେ। ମହତ୍ରେ ଚତୁର୍ଥ ଓଭରରେ ଭୁବନେଶ୍ୱର କୁମାରଙ୍କ ୨୬ ରନ ମାରି ଆରସିବି ବୋଲରମାନଙ୍କୁ ଚାପରେ ରଖିଥିଲେ। କିନ୍ତୁ ୧୬.୨ ଓଭରରେ ଲୁଙ୍ଗି ଏନଗିଡିଙ୍କ ଦ୍ୱାରା ମହତ୍ରେଙ୍କ ଆଉଟ ଏବଂ ପରବର୍ତ୍ତୀ ବଲରେ ଡେୱାଲ୍ଡ ବ୍ରେଭିସଙ୍କୁ ଆଉଟ କରି ମ୍ୟାଚର ମୋଡ଼ ବଦଳାଇ ଦେଇଥିଲେ।

ଶେଷ ଓଭରରେ ୧୫ ରନ କରିବାର ଦାୟିତ୍ୱ ଯଶ ଦୟାଲଙ୍କୁ ଦିଆଯାଇଥିଲା। ଏମଏସ ଧୋନୀଙ୍କୁ ଲେଗ ବିଫୋର ୱିକେଟ (ଏଲବିଡବ୍ଲୁ) ଆଉଟ କରି ଦୟାଲ ମ୍ୟାଚର ଦିଶା ବଦଳାଇଦେଇଥିଲେ, ଯଦିଓ ସେ ଏକ ନୋ-ବଲ ଦେଇଥିଲେ ଏବଂ ଶିବମ ଦୁବେଙ୍କ ଦ୍ୱାରା ଛକା ଖାଇଥିଲେ। ଶେଷ ତିନୋଟି ବଲରେ ମାତ୍ର ୪ ରନ ଦେଇ ଦୟାଲ ୨/୩୬ ସହ ଆରସିବିକୁ ଏକ ଐତିହାସିକ ବିଜୟ ଦେଇଥିଲେ। ଏହାଥିଲା ଦୟାଲଙ୍କ ଦ୍ୱିତୀୟ ବର୍ଷ ଯେଉଁଠାରେ ସେ ଚିନ୍ନାସ୍ୱାମୀରେ ଧୋନୀ ଏବଂ ଜାଡେଜାଙ୍କ ବିପକ୍ଷରେ ଶେଷ ଓଭରରେ ନିର୍ଣ୍ଣାୟକ ଭୂମିକା ଗ୍ରହଣ କରିଥିଲେ।

ଆରସିବି ଅଧିନାୟକ ରଜତ ପାଟିଦାର ଦୟାଲଙ୍କୁ “ଡେଥ ଓଭର ସ୍ପେଶାଲିଷ୍ଟ” ଭାବେ ପ୍ରଶଂସା କରିଥିଲେ ଏବଂ ଶେଫର୍ଡଙ୍କ ବ୍ୟାଟିଂ ଏବଂ ଏନଗିଡିଙ୍କ ବୋଲିଂକୁ ମ୍ୟାଚର ନିର୍ଣ୍ଣାୟକ ମୁହୂର୍ତ୍ତ ଭାବେ ଉଲ୍ଲେଖ କରିଥିଲେ। ଅନ୍ୟପକ୍ଷରେ, ସିଏସକେ ଅଧିନାୟକ ଏମଏସ ଧୋନୀ ମହତ୍ରେଙ୍କ ବ୍ୟାଟିଂକୁ ପ୍ରଶଂସା କରିଥିଲେ କିନ୍ତୁ ଦଳର ବୋଲିଂ, ବିଶେଷକରେ ଶେଷ ଓଭରରେ ଇୟୋର୍କର ଅଭାବକୁ ଦୁର୍ବଳ ବୋଲି କହିଥିଲେ।

ଏହି ବିଜୟ ଆରସିବିକୁ ପ୍ଲେ-ଅଫରେ ପ୍ରବେଶ ପାଇଁ ଏକ ପ୍ରମୁଖ ପଦକ୍ଷେପ ଦେଇଥିବା ବେଳେ ସିଏସକେ ପଏଣ୍ଟ ଟେବୁଲରେ ତଳୁଆ ସ୍ଥାନରେ ରହିଛି। ଆରସିବି ମେ ୯ରେ ଲକ୍ଷ୍ନୌ ସୁପର ଜାୟାଣ୍ଟସ (ଏଲଏସଜି) ଏବଂ ସିଏସକେ ମେ ୭ରେ କୋଲକାତା ନାଇଟ ରାଇଡର୍ସ (କେକେଆର) ବିପକ୍ଷରେ ପରବର୍ତ୍ତୀ ମ୍ୟାଚ ଖେଳିବ।