ମୁମ୍ବାଇ: ବଲିଉଡର ପ୍ରସିଦ୍ଧ ଅଭିନେତ୍ରୀ ରେଖା ୭୦ ବର୍ଷରେ ପାଦ ଦେଇଛନ୍ତି । ସେ ଆଜି ତାଙ୍କ ଜନ୍ମଦିନକୁ ଧୁମ୍ଧାମ୍ରେ ପାଳନ କରିଛନ୍ତି । ସୋସିଆଲ ମିଡ଼ିଆରେ ତାଙ୍କ ପ୍ରଶଂସକମାନେ ତାଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି ।
୧୯୫୪ ମସିହା ଅକ୍ଟୋବର ୧୦ ତାରିଖରେ ଚେନ୍ନାଇରେ ଜନ୍ମଗ୍ରହଣ କରିଥିଲେ ରେଖା । ୧୬ ବର୍ଷ ବୟସରେ ଫିଲ୍ମ ଇଣ୍ଡଷ୍ଟ୍ରିରେ ପାଦ ରଖିଥିଲେ । ସେ ଅନେକ ସୁପରହିଟ୍ ଫିଲ୍ମରେ ଅଭିନୟ କରିଛନ୍ତି । ତାଙ୍କ ପରସନାଲ ଲାଇଫ ଯେଉଁ ପରିମାଣର ସଫଳ ସେହି ପରିମାଣର ଦୁଃଖ ମଧ୍ୟ । ରେଖାଙ୍କୁ ଅନେକ ଥର ପ୍ରେମ ହୋଇଥିଲା । କିନ୍ତୁ ଶେଷରେ ତାଙ୍କୁ ଧୋକା ମିଳିଥିଲା ଯାହା ପରେ ଆଜି ସେ ଏକ ହୋଇ ରହିଛନ୍ତି । ତାଙ୍କ ନାଁ ମଧ୍ୟ ଅନେକ କଳାକାରଙ୍କ ସହିତ ଯୋଡ଼ା ହୋଇଛି । ଏହା ପରେ ସେ ବିବାହ କରି ସେଟେଲ ହେବାକୁ ଚାହିଁଥିଲେ । ୧୯୯୦ରେ ସେ ବ୍ୟବସାୟୀ ମୁକେଶ ଅଗ୍ରୱାଲଙ୍କ ସହିତ ବିବାହ କରିଥିଲେ । ବିବାହର ୩ ମାସ ପରେ ରେଖା ଜାଣିବାକୁ ପାଇଲେ ମୁକେଶ ମାନସିକ ରୋଗୀ ଯାହା ଫଳରେ ରେଖା ତାଙ୍କ ଠାରୁ ଦୂରେଇ ଯାଇଥିଲେ । ଏହା ପରେ ମୁକେଶ ଫାଶି ଲାଇ ଆତ୍ମ ହତ୍ୟା କରିଥିଲେ ।
୬୯ ବର୍ଷ ବୟସରେ ମଧ୍ୟ ତାଙ୍କର ସୌନ୍ଦଯ୍ୟ ସମସ୍ତଙ୍କୁ ଆକୃଷ୍ଟ ଆସିଥାଏ । ତାଙ୍କର ଏହି ସୁନ୍ଦରତା ପାଇଁ ଆଜି ମଧ୍ୟ ଅନେକ ଅଭିନେତା ତାଙ୍କୁ ପସନ୍ଦ କରନ୍ତି । ରେଖା ବଲିଉଡର ସବୁ ଇଭେଣ୍ଟ ଏବଂ ପାର୍ଟିରେ ଯୋଗଦାନ କରନ୍ତି । ସେ ଯେତେବେଳେ କ୍ୟାମେରା ସାମ୍ନାକୁ ଆସନ୍ତି ଲୋକମାନଙ୍କ ନଜର ତାଙ୍କ ଉପରୁ ହଟେନାହିଁ । ଦର୍ଶକ ମଧ୍ୟ ତାଙ୍କ ପାଇଁ ପୂରା ପାଗଳ । ରେଖା ତାଙ୍କ ଜୀବନରେ ଅନେକ ଉତ୍ଥାନ ପତନ ଦେଖିଛନ୍ତି । କିନ୍ତୁ ସେ ଏହାର ପ୍ରଭାବ ତାଙ୍କ ସୁନ୍ଦରତା ଉପରେ ପଡିବାକୁ ଦେଇ ନାହାନ୍ତି । ରେଖା ଏବେ ଫିଲ୍ମରେ ଦେଖିବାକୁ ମିଳୁ ନାହାନ୍ତି କିନ୍ତୁ ତାଙ୍କ ଲୁକ ପାଇଁ ସେ ସବୁବେଳେ ଚର୍ଚ୍ଚାକୁ ଆସନ୍ତି ।
Comments are closed.