ନୂଆଦିଲ୍ଲୀ: ଲାଲ୍ କିଲ୍ଲା ହିଂସା ମାମଲାରେ ‘ମୋଷ୍ଟ ୱାଣ୍ଟେଡ୍’, ମନିନ୍ଦର ସିଂ ମୋନିଙ୍କୁ ଦିଲ୍ଲୀ ପୋଲିସର ସ୍ପେଶାଲ୍ ସେଲ୍ ଦ୍ୱାରା ଦିଲ୍ଲୀରୁ ଗିରଫ କରାଯାଇଛି। ଦିଲ୍ଲୀସ୍ଥିତ ତାଙ୍କ ବାସଭବନରୁ ଦୁଇଟି ଖଣ୍ଡା ମଧ୍ୟ ଉଦ୍ଧାର କରାଯାଇଛି।
ଗଣତନ୍ତ୍ର ଦିବସରେ ଲାଲ୍ କିଲ୍ଲା ହୋଇଥିବା ହିଂସା ଘଟଣାରେ ଦିଲ୍ଲୀ ପୋଲିସର ସ୍ପେଶାଲ୍ ସେଲ୍ ର ଏକ ଦଳ ମଙ୍ଗଳବାର ଜଣେ ମୁଖ୍ୟ ଅଭିଯୁକ୍ତଙ୍କୁ ଗିରଫ କରିଛି।
ଜାନୁଆରୀ ୨୬ରେ ଘଟାଇଥିବା ହିଂସାକାଣ୍ଡର ଭିଡିଓ ଏବଂ ଫଟୋ ସାମ୍ନାକୁ ଆସିବା ପରେ ୩୦ ବର୍ଷୀୟ ମନିନ୍ଦର ସିଂ ଛଦ୍ମନାମ ମୋନିଙ୍କୁ ଖୋଜା ଯାଇଥିଲା। ଯେଉଁଠାରେ ସେ ତିନିଟି କୃଷି ଆଇନ ବିରୁଦ୍ଧରେ ବିରୋଧ କରୁଥିବା କୃଷକ ସଂଗଠନ ଦ୍ୱାରା ଆୟୋଜିତ ଟ୍ରାକ୍ଟର ରାଲିରେ ଲାଲ୍ କିଲ୍ଲାରେ ଖଣ୍ଡା ଘୋଡାଇଥିବାର ଦେଖାଯାଇଥିଲା।
ଲାଲ୍ କିଲ୍ଲା ହିଂସା ମାମଲାରେ ‘ମୋଷ୍ଟ ୱାଣ୍ଟେଡ୍’ ମନିନ୍ଦର ସିଂଙ୍କୁ ମଙ୍ଗଳବାର ଦିନ ପିଟାମ୍ପୁରାର ବସ୍ଷ୍ଟାଣ୍ଡ ନିକଟରେ ଗିରଫ କରାଯାଇଥିଲା। ଗିରଫ ପରେ ଦିଲ୍ଲୀ ପୋଲିସ ସ୍ବରୂପ ନାଗରସ୍ଥିତ ମନିନ୍ଦର ସିଂଙ୍କ ଘରୁ ଦୁଇଟି ଖଣ୍ଡା ମଧ୍ୟ ଉଦ୍ଧାର କରିଥିଲା।