ନୂଆଦିଲ୍ଲୀ: ବିଶ୍ୱରେ ଅନେକ ଭବିଷ୍ୟବକ୍ତା ଅଛନ୍ତି, ଏବଂ ବାବା ଭାଙ୍ଗା ସେମାନଙ୍କ ମଧ୍ୟରେ ଅନ୍ୟତମ। ତାଙ୍କର ଭବିଷ୍ୟବାଣୀଗୁଡ଼ିକ ଅତ୍ୟନ୍ତ ପ୍ରସିଦ୍ଧ, କାରଣ ବାବା ଭାଙ୍ଗା ପ୍ରତିବର୍ଷ ବିଶ୍ୱରେ ଘଟୁଥିବା ଘଟଣାଗୁଡ଼ିକର ଭବିଷ୍ୟବାଣୀ କରିଥା’ନ୍ତି, ଏବଂ ସେଗୁଡ଼ିକ ମଧ୍ୟରୁ ଅନେକ ସଠିକ୍ ପ୍ରମାଣିତ ହୋଇଛି। ଏହି କାରଣରୁ ପ୍ରତିବର୍ଷ ତାଙ୍କ ଭବିଷ୍ୟବାଣୀଗୁଡ଼ିକର ବ୍ୟାଖ୍ୟା କରାଯାଏ। ବୁଲଗେରୀୟ ଭବିଷ୍ୟବକ୍ତା ବାବା ଭାଙ୍ଗାଙ୍କ ଜୀବନ ଅତ୍ୟନ୍ତ ରହସ୍ୟମୟ ଥିଲା। ସେ ୧୨ ବର୍ଷ ବୟସରେ ନିଜର ଦୃଷ୍ଟିଶକ୍ତି ହରାଇଥିଲେ। କିନ୍ତୁ ଦୃଷ୍ଟି ହରାଇବା ପରେ ଏହା କୁହାଯାଉଥିଲା ଯେ ତାଙ୍କଠାରେ ଭବିଷ୍ୟତ କହିବାର ଶକ୍ତି ଆସିଯାଇଥିଲା।
ସେ ନିଜର ମୃତ୍ୟୁ ପୂର୍ବରୁ ପ୍ରତିବର୍ଷ ଘଟିବାକୁ ଥିବା ଘଟଣାଗୁଡ଼ିକର ଭବିଷ୍ୟବାଣୀ କରୁଥିଲେ ଏବଂ ସେଗୁଡ଼ିକୁ ନୋଟ୍ରେ ଲେଖୁଥିଲେ।ତାଙ୍କର କିଛି ଭବିଷ୍ୟବାଣୀ ଅତ୍ୟନ୍ତ ପ୍ରସିଦ୍ଧ, ଯାହା ସତ୍ୟ ହୋଇଛି। ତେବେ ୨୦୨୫ ବର୍ଷ ପାଇଁ ମଧ୍ୟ ସେ ଅନେକ କଥା କହିଥିଲେ, ଯାହା ଧୀରେ ଧୀରେ ସାମ୍ନାକୁ ଆସୁଛି। ବିଶେଷ କରି ଏହି ବର୍ଷ ପାଇଁ ସେ ଭବିଷ୍ୟବାଣୀ କରିଥିଲେ ଯେ ୨୦୨୫ ମସିହାରେ ୟୁରୋପରେ ଏକ ବଡ଼ ସଂଘର୍ଷ ହେବ, ଯାହା ସେହି ମହାଦେଶର ଜନସଂଖ୍ୟା ଉପରେ ଗଭୀର ପ୍ରଭାବ ପକାଇବ। ଏତିକି ନୁହେଁ, ସେ ଅଗଷ୍ଟ ୨୦୨୫ରେ ଏକ ‘ଦ୍ୱିମୁଖୀ ଅଗ୍ନି’ ଘଟଣାର ଉଲ୍ଲେଖ କରିଥିଲେ।
ବାବ ଭେଙ୍ଗା କହିଥିଲେ ଯେ ଅଗଷ୍ଟ ୨୦୨୫ରେ ଆକାଶରୁ ଏବଂ ପୃଥିବୀରୁ ନିଆଁ ବାହାରିବ। ତେବେ ଏହାର ଅର୍ଥ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। କେତେକ ଲୋକ ମନେ କରୁଛନ୍ତି ଯେ ଏହା ଏକ ଭୟଙ୍କର ଜଙ୍ଗଲ ନିଆଁର କଥା କହୁଛି, ଆଉ କେତେକ କହୁଛନ୍ତି ଯେ ଏହା ଜ୍ୱାଳାମୁଖୀ ବିସ୍ଫୋରଣର ସଙ୍କେତ। ଏପରି ମଧ୍ୟ ହୋଇପାରେ ଯେ ଆକାଶରୁ କୌଣସି ଉଲ୍କାପିଣ୍ଡ ବା କ୍ଷୁଦ୍ରଗ୍ରହ ପୃଥିବୀ ଉପରେ ପଡ଼ିବ। କେତେକ ଲୋକ ବିଶ୍ୱର ବିଭିନ୍ନ ସ୍ଥାନରେ ଲାଗିଥିବା ଜଙ୍ଗଲ ନିଆଁକୁ ମଧ୍ୟ ଏହା ସହ ଯୋଡ଼ୁଛନ୍ତି।ଏହି ଅଗଷ୍ଟ ମାସରେ ତାଙ୍କର ତୃତୀୟ ଭବିଷ୍ୟବାଣୀ ଥିଲା ଯେ ଯାହା ଏକତ୍ରିତ ହୋଇଥିଲା, ତାହା ପୁନର୍ବାର ଦୁଇ ଖଣ୍ଡରେ ବିଭକ୍ତ ହେବ ଏବଂ ସମସ୍ତେ ନିଜ ନିଜ ପଥରେ ଚାଲିଯିବେ। କେତେକ ଲୋକ ମନେ କରୁଛନ୍ତି ଯେ ଏହି ଭବିଷ୍ୟବାଣୀ ନାଟୋ ବା ୟୁରୋପୀୟ ସଂଘରେ ବିଭାଜନ ବା ମତଭେଦର ସଙ୍କେତ ହୋଇପାରେ। ଅନ୍ୟ କେତେକ ଲୋକ ମନେ କରୁଛନ୍ତି ଯେ ଏହା ୟୁରୋପର ପୂର୍ବ ଓ ପଶ୍ଚିମ ଅଂଶ ମଧ୍ୟରେ ବଢ଼ୁଥିବା ଉତ୍ତେଜନାର ସଙ୍କେତ ହୋଇପାରେ।
Comments are closed.