ମୁମ୍ବାଇ: ମହାନ ଅଭିନେତା ରିଷି କାପୁରଙ୍କ ଅନ୍ତିମ ଫିଲ୍ମ ଶର୍ମାଜୀ ନମକୀନ ଓଟିଟି ପ୍ଲାଟଫର୍ମରେ ରିଲିଜ ହେବ । ମାର୍ଚ୍ଚ ୩୧ରେ ଏହା ଆମାଜନ ପ୍ରାଇମରେ ରିଲିଜ ହେବ ବୋଲି ମେକର୍ସଙ୍କ ପକ୍ଷରୁ ଘୋଷଣା କରାଯାଇଛି । ଫିଲ୍ମର ଶୁଟିଂ ଅଧା ହୋଇଥିବା ବେଳେ ରିଷିଙ୍କ ଏପ୍ରିଲ ୨୦୨୦ରେ ନିଧନ ହୋଇ ଯାଇଥିଲା । ରିଷିଙ୍କ ବାକିଥିବା ଦୃଶ୍ୟଗୁଡିକରେ ଭେଟେରାନ ଅଭିନେତା ପରେଶ ରାୱଲ ଅଭିନୟ କରିଥିଲେ ।
ଜୁହୀ ଚାୱଲା, ସୁହେଲ ନାୟାର, ତାରୁକ ରୈନା, ସତୀଶ କୌଶିକ, ଶିବା ଚଢ଼ା ଓ ଈଶା ତଲୱାର ମଧ୍ୟ ଏହି ଫିଲ୍ମରେ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରୁଛନ୍ତି । ଫିଲ୍ମ ପ୍ରତି ଦର୍ଶକଙ୍କ ବେଶ ଉତ୍କଣ୍ଠା ରହିଛି ଏବଂ ସେମାନେ ଏହାକୁ ପସନ୍ଦ କରିବେ ବୋଲି ମେକର୍ସଙ୍କ ପକ୍ଷରୁ କୁହାଯାଇଛି ।
Comments are closed.