ମୁମ୍ବାଇ: ୩ ବର୍ଷ ପରେ ଅଭିନେତ୍ରୀ ରିୟା ଚକ୍ରବର୍ତ୍ତୀ ପରଦାକୁ ଫେରିବେ । ଟିଭି ଶୋ’ ଏମଟିଭି ରୋଡିଜ-୧୯ରେ ସେ ଜଣେ ଗ୍ୟାଙ୍ଗଲିଡର ଭାବେ ନଜରକୁ ଆସିବେ । ନିକଟରେ ଏହାର ପ୍ରୋମୋ ମଧ୍ୟ ରିଲିଜ୍ ହୋଇଛି । ଏଥିରେ ସେ ଗାଙ୍ଗଲିଡ଼ର ବୋଲି ଦେଖିବାକୁ ମିଳିଛି । ଏନେଇ ରିୟା କହିଛନ୍ତି ଯେ, ଆପଣମାନେ ଭାବିଥିଲେ, ମୁଁ ଅଭିନୟ ଦୁନିଆରୁ ସମ୍ପୂର୍ଣ୍ଣ ଭାବେ ଦୂରେଇ ଯାଇଛି । ଆଉ କେବେ ପରଦାକୁ ଫେରିବିନି । ଏହା ଭାବିବା ଭୁଲ । ଏବେ ମୋର ଡ଼ରିବାର କୌଣସି ଆବଶ୍ୟକତା ନାହିଁ । ଏହି ଶୋର ଅଡିସନରେ ଦେଖା ହେବ । ରିୟାଙ୍କ ଏଭଳି ମନ୍ତବ୍ୟକୁ ଅନେକ ପସନ୍ଦ କରିଥିବା ବେଳେ ଆଉ କିଛି ଲୋକ ଏହାକୁ ନାପସନ୍ଦ ମଧ୍ୟ କରିଛନ୍ତି ।
ବଲିଉଡ୍ ଲୋକପ୍ରିୟ ଅଭିନେତା ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ଘଟଣା ଅଭିନେତ୍ରୀ ରିୟା ଚକ୍ରବର୍ତ୍ତୀଙ୍କୁ ଦାୟୀ କରାଯାଇଥିଲା । ପରେ ସେ ବେଆଇନ ଡ୍ରଗ୍ସ ମାମଲାରେ ଜେଲ ଯାଇଥିଲେ । ଏସବୁ ହେବା ପରେ ରିୟା ଆଉ ପରଦାକୁ ଫେରିବେନି ବୋଲି ଚର୍ଚ୍ଚା ଜୋର ଧରିଥିଲା । ହେଲେ ସେ ୩ ବର୍ଷ ପରେ ପୁଣି ପରଦାକୁ ଫେରୁଛନ୍ତି ।
Comments are closed.