ପୁରୀ: ପୁରୀ ମୋଚିସାହି ଛକରେ ରାସ୍ତା ନିର୍ମାଣରେ ବ୍ୟବହୃତ ମିକ୍ସଚର ମେସିନ ସହ ଧକ୍କା ହୋଇ ଜଣେ ବୃଦ୍ଧଙ୍କ ମୃତ୍ୟୁ ଘଟିଛି।ମୃତକ ହେଉଛନ୍ତି ଟାଉନ ଥାନା ଅନ୍ତର୍ଗତ ତ୍ରିନାଥ ପାଳ।
ଧୂପକାଠି ବ୍ୟବସାୟ କରୁଥିବା ତ୍ରିନାଥ ଆଜି ଅପରାହ୍ନରେ ସାଇକେଲ ଯୋଗେ ଯାଉଥିବାବେଳେ ମୋଚିସାହି ଛକ ପୌରକଲ୍ୟାଣ ନିକଟରେ ରାସ୍ତା ନିର୍ମାଣରେ ବ୍ୟବହୃତ ଏକ ମିକ୍ସଚର ଗାଡି ତାଙ୍କୁ ଧକ୍କା ଦେଇଥିଲା। ଫଳରେ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ଘଟିଥିଲା।
ଉତ୍ତେଜନା ପ୍ରକାଶ ପାଇବାରୁ ବିଭିନ୍ନ ଥାନାର ଅଧିକାରୀଙ୍କ ସହ ଉପଜିଲ୍ଲାପାଳ ପହଞ୍ଚିଥିଲେ।ମୃତକଙ୍କ ପରିବାରକୁ ଜିଲ୍ଲା ରେଡ଼କ୍ରସ ପାଣ୍ଠିରୁ ୨୦ହଜାର ଟଙ୍କାର କ୍ଷତିପୂରଣ ଦିଆଯାଇଛି।ଟାଉନ ଥାନା ପୋଲିସ ଶବ ଜବତ କରି ବ୍ୟବଚ୍ଛେଦ ପାଇଁ ସଦର ମୁଖ୍ୟ ଚିକିତ୍ସାଳୟକୁ ପଠାଇବା ସହ ଦୁର୍ଘଟଣା ଘଟାଇଥିବା ଗାଡି ଓ ଡ୍ରାଇଭରକୁ ଗିରଫ କରିଛି।
Comments are closed.