ଓଡ଼ିଶା ସମ୍ବାଦ ବ୍ୟୁରୋ: ଶୀତଦିନେ କେଶ ରୁକ୍ଷ, ଶୁଷ୍କ, କେଶ ତଳ ଫାଟିବା ଏବଂ ଝଡ଼ିବା ଭଳି ସମସ୍ୟା ଦେଖାଦେଇଥାଏ। ଗରମ ପାଣି ବ୍ୟବହାର କରିବା ଦ୍ୱାରା କେଶର ଶୁଷ୍କତା ବଢିଯାଏ ଏବଂ ଦୁର୍ବଳ ହୋଇଯାଇ ଝଡି ଯାଇଥାଏ। ଏହାସହ ଏହି ଋତୁରେ ରୁପି ସମସ୍ୟା ମଧ୍ୟ ଦେଖାଯାଇଥାଏ। କେଶର ଏହି ସବୁ ସମସ୍ୟାର ସମାଧାନ କେବଳ ସାମ୍ପୁ ଏବଂ କଣ୍ଡିସନରରେ ସମ୍ଭବ ହୋଇନଥାଏ। ଏଥିପାଇଁ କେଶର ପ୍ରାକୃତିକ ଯତ୍ନର ଆବଶ୍ୟକତା ରହିଛି।
ଅନେକ ମହିଳାମାନଙ୍କୁ କେଶ ତଳ ଫାଟିବା ସମସ୍ୟାରୁ ମୁକ୍ତି ପାଇବା ପାଇଁ କେଶ କାଟିବାକୁ ପଡିଥାଏ। କିନ୍ତୁ ଏହା ସ୍ଥାୟୀ ସମାଧାନ ନୁହେଁ। ଏହି ସମସ୍ୟାରୁ ମୁକ୍ତି ପାଇବା ପାଇ ଗୋଲାପ ଜଳ ବ୍ୟବହାର କରିପାରିବେ। ତେବେ ଆସନ୍ତୁ ଜାଣିବା ଗୋଲାପ ଜଳକୁ କିପରି ବ୍ୟବହାର କରିପାରିବେ।
ସ୍ପିଲଟ୍ ଏଣ୍ଡସ୍ ରୁ ମୁକ୍ତି ପାଇବା ପାଇଁ ଏକ ଚାମଚ ଗୋଲାପ ଜଳରେ ସମାନ ପରିମାଣର ଅଲିଭ୍ ତେଲ ଏବଂ ମହୁ ମିଶାନ୍ତୁ। ଏହି ମିଶ୍ରଣକୁ ମୂଳରୁ କେଶର ଶେଷ ପର୍ଯ୍ୟନ୍ତ ଲଗାନ୍ତୁ। ଏହା ପରେ, ଟାୱେଲକୁ ଗରମ ପାଣିରେ ବୁଡ଼ାଇ ମୁଣ୍ଡରେ ୧୦ ରୁ ୧୫ ମିନିଟ୍ ପର୍ଯ୍ୟନ୍ତ ବାନ୍ଧି ରଖନ୍ତୁ। ଶେଷରେ କେଶ ଧୋଇଦିଅନ୍ତୁ। କେଶ ଫାଟିବା ସମସ୍ୟା ପାଇଁ ଏହି ଚିକିତ୍ସା ପ୍ରଭାବଶାଳୀ।
ସେହିପରି ଅଣ୍ଡାର ହଳଦିଆ ଅଂଶ କେଶ ଫଟିଥିବା ସ୍ଥାନରେ ପ୍ରୟୋଗ କରାଯାଇପାରେ। ଅଣ୍ଡାର ହଳଦିଆ ଅଂଶ ନେଇ ସେଥିରେ ଅଲିଭ୍ ତେଲ ଏବଂ ମହୁ ମିଶାନ୍ତୁ। ଏହାକୁ ୩୦ ରୁ ୪୦ ମିନିଟ୍ ପର୍ଯ୍ୟନ୍ତ କେଶରେ ରଖିବା ପରେ ଏହାକୁ ଧୋଇ ଦିଅନ୍ତୁ। ଏହି ରେସିପି କେଶର ଶୁଷ୍କତାକୁ ମଧ୍ୟ ଦୂର କରିଥାଏ।
ପାଚିଲା ଅମୃତଭଣ୍ଡା କେଶକୁ ମଶ୍ଚରାଇଜ୍ କରିବା ପାଇଁ କାମ କରେ।
କେଶ ଫଟାରୁ ମୁକ୍ତି ପାଇବା ପାଇଁ ଏହା ମଧ୍ୟ ବ୍ୟବହାର କରାଯାଇପାରେ। ଏଥିପାଇଁ ପାଚିଲା ଅମୃତଭଣ୍ଡା ଦହିରେ ମିଶାଇ ଏକ ପେଷ୍ଟ ପ୍ରସ୍ତୁତ କରନ୍ତୁ। ଏହି ମାସ୍କକୁ କେଶରେ ଭଲ ଭାବରେ ଲଗାଇ ରଖନ୍ତୁ। ପ୍ରାୟ ଅଧ ଘଣ୍ଟା ପରେ ମୁଣ୍ଡ ଧୋଇ ଦିଅନ୍ତୁ।
ଅନେକ କେଶ ସମସ୍ୟା ଦୂର କରିବା ପାଇଁ ନଡିଆ ତେଲ ବ୍ୟବହୃତ ହୁଏ। ଫାଟିବା କେଶରୁ ମୁକ୍ତି ପାଇବା ପାଇଁ ନଡ଼ିଆ ତେଲକୁ ହାଲୁକା ଗରମ କରନ୍ତୁ। ଏହାକୁ କେଶର ଶେଷ ଭାଗରେ ଲଗାନ୍ତୁ ଏବଂ ଏହାକୁ ଏକ ରୁ ଦୁଇ ଘଣ୍ଟା ରଖିବା ପରେ ମୁଣ୍ଡ ଧୋଇ ଦିଅନ୍ତୁ। ଯଦି ଆପଣ ଚାହାଁନ୍ତି, ଆପଣ ନଡ଼ିଆ ତେଲକୁ ମଧ୍ୟ ରାତିସାରା କେଶରେ ରଖିପାରିବେ।
ମହୁ କେଶରେ ଏକ ଭଲ କଣ୍ଡିସନର ଏବଂ ମଶ୍ଚରାଇଜର ଭାବରେ କାମ କରେ। କେଶ ତଳ ଫାଟିବା ଅଂଶରେ ପାଣି ମିଶ୍ରିତ ମହୁ ଲଗାନ୍ତୁ। ୨ ଚାମଚ ମହୁକୁ ଚାରି କପ୍ ଉଷୁମ ପାଣିରେ ମିଶାନ୍ତୁ। ବର୍ତ୍ତମାନ ଏହି ପାଣିରେ କେଶ ଧୋଇ ଦିଅନ୍ତୁ। କେଶରୁ ଫ୍ରିଜିନେସ ଦୂର କରିବା ପାଇଁ ଏହା ଭଲ।