‘ଲରେନ୍ସ ବିଷ୍ଣୋଇକୁ ଏନକାଉଣ୍ଟରେ ଉଡେଇ ଦିଅ, ୧ କୋଟିରୁ ଅଧିକ ପୁରସ୍କାର ଦେବୁ’

ନୂଆଦିଲ୍ଲୀ: ଦିନକୁ ଦିନ ବଢିବାରେ ଲାଗିଛି ଲରେନ୍ସ ବିଷ୍ଣୋଇ ଗାଙ୍ଗର ପାଦ୍ରୁଭାବ । ପକେଟ ମାର୍, ଚୋରି ତସ୍କରିରୁ ନିଜର କଳାବଜାରୀ ଆରମ୍ଭ କରିଥିବା କରିଥିବା ଲରେନ୍ସ ଅଣ୍ଡର ଓ୍ବାର୍ଲ୍ଡର ଏକ ବଡ ନାମ ପାଟଲିଲାଣି । ବିଭିନ୍ନ ହାଇପ୍ରୋଫାଇଲ ମର୍ଡରରେ ନିଜକୁ ଖୁଲମ ଖୁଲା ଦାୟୀ କରୁଛି ଲରେନ୍ସ ବିଷ୍ଣୋଇ ଗାଙ୍ଗ । ଅପରାଧ ସାମ୍ରାଜ୍ୟର ବିସ୍ତାର ପାଇଁ ସେ ୧୧ଟି ରାଜ୍ୟରେ ୭୦୦ରୁ ଅଧିକ ସାର୍ପ ସୁଟର୍‌ଙ୍କୁ ପାଳିପୋଷି ରଖିଛି । ଯେମିତି ଅପରାଧ ସାମ୍ରାଜ୍ୟର ଅନ୍ୟନାମ ଏବେ ଲରେନ୍ସ ବିଷ୍ଣୋଇ ।

ତେବେ ସମସ୍ତଙ୍କୁ ବନ୍ଧୁକ ମୁନରେ ମାରି ଗଡାଉଥିବା ଲରେନ୍ସକୁ ଏବେ ମାରିବା ପାଇଁ ପୁରସ୍କାର ଘୋଷଣା କରିଛନ୍ତି କ୍ଷେତ୍ରୀୟ କରଣୀ ସେନା । କ୍ଷେତ୍ରୀୟ କରଣୀ ସେନାର ରାଷ୍ଟ୍ରୀୟ ଅଧ୍ୟକ୍ଷ ଡ଼. ରାଜ୍ ଶେଖାଓ୍ବତ, ଲରେନ୍ସ ବିଷ୍ଣୋଇକୁ ଏନକାଉଣ୍ଟରେ ମାରିବା ପାଇଁ ପୁରସ୍କାର ଘୋଷଣା କରିଛନ୍ତି । ସେ କହିଛନ୍ତି, ଯେଉଁ ପୋଲିସ୍ ଅଫିସର ଲରେନ୍ସ ବିଷ୍ଣୋଇକୁ ଏନକାଉଣ୍ଟର କରିବେ, ତାଙ୍କୁ ୧ କୋଟି ୧୧ ଲକ୍ଷ ୧୧ ହଜାର ୧୧ଶହ ୧୧ ଟଙ୍କା ପୁରସ୍କାର ଭାବେ ଦିଆଯିବ । ତେବେ ସେ ଆହୁରି ମଦ୍ୟ କହିଛନ୍ତି, ଲରେନ୍ସ ସୁଖଦେବ ସିଂହ ଗୋଗାମେଡିଙ୍କୁ ହତ୍ୟା କରିଛି । ତେଣୁ ତାକୁ ମାରି ପୂରା ଭାରତକୁ ଭୟମୁକ୍ତ କରିବା ଉଚିତ୍ ।

गुजरात: क्षत्रिय करणी सेना के राष्ट्रीय अध्यक्ष डॉ. राज शेखावत ने लॉरेंस बिश्नोई के एनकाउंटर के लिए घोषित किया 1,11,11,111 रुपये का इनाम। करणी सेना एनकाउंटर करने वाले पुलिसकर्मी को यह राशि देगी और सुरक्षा भी सुनिश्चित करेगी। pic.twitter.com/vzZ2sqHday

— NBT Hindi News (@NavbharatTimes) October 21, 2024

ତେବେ କହିରଖୁଛୁ, ଏବେ ସେଇ କୁଖ୍ୟାତ ଗାଙ୍ଗଷ୍ଟାର ଲରେନ୍ସ ଜେଲରେ ଅଛି । ହେଲେ ଜେଲ୍‌ରେ ଥାଇ ସୁଦ୍ଧା ତାର ଆପରାଧିକ ନେଟ୍‌ୱର୍କକୁ ସକ୍ରିୟ ରଖିଛି। ତେବେ କାନାଡ଼ାରେ ତାହାର ସକ୍ରିୟତା ବେଶୀ ଥିବା ବେଳେ ଏବେ ଭାରତରେ ଅପରାଧିକ ଜାଲ ବିଛାଇଲାଣି ଲରେନ୍ସ । ପଞ୍ଜାବୀ ଗାୟକ ସିଧୁ ମୁସ୍‌ୱାଲାଙ୍କୁ ହତ୍ୟା କରିବା ପରେ ଚର୍ଚ୍ଚାକୁ ଆସିଥିବା ଲରେନ୍ସ ଏବେ ବଲିଉଡ୍ ଭାଇଜାନ୍ ସଲମାନ ଖାଁଙ୍କୁ ନିଶାନା ସାଧିଛି। ସଲମାନ ଓ ତାଙ୍କ ପରିବାରକୁ ମାରିବା ପାଇଁ ଧମକ ଦେଇ ଆସିଥିବା ବେଳେ ଏବେ ସଲମାନଙ୍କ ଘନିଷ୍ଠ ବନ୍ଧୁ ତଥା ମହାରାଷ୍ଟ୍ର ଏନ୍‌ସିପି ନେତା ବାବା ସିଦ୍ଦିକିଙ୍କୁ ହତ୍ୟା ପରେ ସଲମାନଙ୍କ ଜୀବନ ପ୍ରତି ବିପଦ ବଢ଼ିଯାଇଛି ।