ମୁମ୍ବାଇ: ଜୟ ଶାହଙ୍କ ପରେ ଖାଲି ପଡିଥିବା ବିସିସିଆଇ ସେକ୍ରେଟାରୀ ପଦ ପାଇଁ ଦେବଜିତ ସାଇକିଆ ଓ କୋଷାଧ୍ୟକ୍ଷ ପଦ ନିମନ୍ତେ ପ୍ରଭତେଜ ଭାଟିଆ ପ୍ରାର୍ଥୀପତ୍ର ଦାଖଲ କରିଛନ୍ତି । ଏହି ଦୁଇ ଅଧିକାରୀଙ୍କ ବିପକ୍ଷରେ ଅନ୍ୟ କିଏ ନିର୍ବାଚନ ରଣାଙ୍ଗନରେ ଓହ୍ଲାଇ ନାହାନ୍ତି । ଫଳରେ ସାଇକିଆ ସେକ୍ରେଟାରୀ ହେବା ଏକପ୍ରକାର ନିଶ୍ଚିିତ ହୋଇଯାଇଛି । ସେହିପରି ଆଶୀଷ ସୋଲାରଙ୍କ ପରେ ଖାଲି ପଡିଥିବା କୋଷାଧ୍ୟକ୍ଷ ପଦ ନିମନ୍ତେ ଛତିଶଗଡ କ୍ରିକେଟ ସଂଘର ଭାଟିଆ ପ୍ରାର୍ଥୀପତ୍ର ଦାଖଲ କରିଛନ୍ତି । ସୋଲାର ନିକଟରେ ମହାରାଷ୍ଟ୍ର ସରକାରରେ କ୍ୟାବିନେଟ ମନ୍ତ୍ରୀ ହୋଇଛନ୍ତି ।
ଡିସେମ୍ବର ୧ରେ ଜୟ ଶାହ ଆଇସିସିର ଚେୟାରମ୍ୟାନ ହେବା ପରେ ବିସିସିଆଇରେ ତାଙ୍କ ପଦ ଖାଲି ପଡିଥିଲା । ତାଙ୍କ ସ୍ଥାନରେ ସାମୟିକ ଭାବେ ସାଇକିଆଙ୍କୁ ରୋଜର ବିନ୍ନୀ ସେକ୍ରେଟାରୀ ଭାବେ ନିଯୁକ୍ତ କରିଥିଲେ । ବିସିସିଆଇ ୱେବସାଇଟରେ ଶନିବାର ୪ଟା ସୁଦ୍ଧା ପ୍ରାର୍ଥୀପତ୍ର ଦାଖଲ କରିବା ପାଇଁ ଡେଡଲାଇନ ରଖାଯାଇଥିଲା । ଏହି ନିର୍ଦ୍ଧାରିତ ସମୟରେ ଅନ୍ୟ କେହି ପ୍ରାର୍ଥୀପତ୍ର ଦାଖଲ କରି ନ ଥିଲେ ।
Comments are closed.