ମୁମ୍ଵାଇ: କିଛି ମାସ ପୂର୍ବେ ଏନସିପି ନେତା ତଥା ସଲମାନ ଖାନଙ୍କ ନିକଟତର ବନ୍ଧୁ ବାବା ସିଦ୍ଦିକିଙ୍କୁ ହତ୍ୟା କରାଯାଇଥିଲା। ଏବେ ବାବା ସିଦ୍ଦିକି ହତ୍ୟା ମାମଲାରେ ପ୍ରକାଶ ପାଇଛି ଯେ ତାଙ୍କ ପୂର୍ବରୁ ସଲମାନ ଖାନଙ୍କୁ ହତ୍ୟା କରିବାର ଯୋଜନା ଥିଲା। ଏହି ବଡ ଖବର ଆସିବା ପରେ ବର୍ତ୍ତମାନ ବିଷୟଟି ଚର୍ଚ୍ଚାର କେନ୍ଦ୍ର ବିନ୍ଦୁ ପାଲଟିଛି।
ସୁଟରମାନେ କହିଛନ୍ତି ଯେ ସେମାନଙ୍କର ଟାର୍ଗେଟ ଥିଲା ଅଭିନେତା ସଲମାନ ଖାନ, କିନ୍ତୁ ତାଙ୍କର କଡା ସୁରକ୍ଷା ଯୋଗୁଁ ସେମାନେ ଲକ୍ଷ୍ୟ ବଦଳାଇ ଦେଇଥିଲେ। ସଲମାନଙ୍କୁ ଆକ୍ରମଣ କରିବାରେ ବିଫଳ ହେବା ପରେ ଅଭିଯୁକ୍ତମାନେ ସମସ୍ତ ଧ୍ୟାନ ବାବା ସିଦ୍ଦିକି ଏବଂ ତାଙ୍କ ପୁଅ ଜିଶାନ ସିଦ୍ଦିକିଙ୍କ ଉପରେ ଧ୍ୟାନ ଦେଇଥିଲେ। ଅନ୍ୟପଟେ କ୍ରାଇମ ବ୍ରାଞ୍ଚର ଯାଞ୍ଚରୁ ଏହା ମଧ୍ୟ ଜଣାପଡିଛି ଯେ ଅଭିଯୁକ୍ତମାନେ ସଲମାନଙ୍କ ଘର ଉପରେ ନଜର ରଖିଥିଲେ।
ସେ ଦେଖିଲେ ସଲମାନଙ୍କ ଘର ବାହାରେ ବହୁ ସଂଖ୍ୟକ ପୋଲିସ ଫୋର୍ସ ମୁତୟନ କରାଯାଇଛି। ଏହା ବ୍ୟତୀତ ସଲମାନ ଖାନ ତାଙ୍କ ବିଲଡିଂରୁ କେବଳ ବୁଲେଟପ୍ରୁଫ କାରରେ ବାହାରି ଆସୁଛନ୍ତି, ଯାହା ତାଙ୍କ ପାଖରେ ପହଞ୍ଚିବା ଅସମ୍ଭବ ହୋଇପଡିଛି। ଏହା ପରେ ଅଭିଯୁକ୍ତମାନେ ତାଙ୍କ ଧ୍ୟାନ ସଲମାନଙ୍କ ଠାରୁ ହଟାଇ ବାବା ସିଦ୍ଦିକିଙ୍କୁ ଟାର୍ଗେଟ୍ କରିଥିଲେ। ସୂଚନା ଥାଉକି ଏହି ହତ୍ୟା ମାମଲାରେ କ୍ରାଇମ ବ୍ରାଞ୍ଚ ଏପର୍ଯ୍ୟନ୍ତ ମୋଟ ୨୬ ଅଭିଯୁକ୍ତଙ୍କୁ ଗିରଫ କରିଛି। ତଦନ୍ତ ଜାରି ରହିଛି।
Comments are closed.