ମୁମ୍ବାଇ: ବଲିଉଡର ଲୋକପ୍ରିୟ ଅଭିନେତା ସଲମାନ ଖାଁଙ୍କୁ ବାରମ୍ବାର ହତ୍ୟା ଧମକ ମିଳୁଛି । ସିଦ୍ଧୁ ମୁସେୱାଲ ହତ୍ୟାକାଣ୍ଡ ପରେ ସେ ଭୟଭୀତ ହୋଇ ପଡିଥିବା ଅନୁମାନ କରାଯାଉଥିଲା । ଏବେ ଏହା ପ୍ରମାଣିତ ହୋଇଛି । ଆଜି ସେ ତାଙ୍କ ନିଜ ଜୀବନ ପ୍ରତି ବିପଦ ଅଛି ଦର୍ଶାଇ ସୁରକ୍ଷା ପାଇଁ ମୁମ୍ବାଇ ପୋଲିସ କମିଶନର ନିକଟରେ ଅସ୍ତ୍ର ରଖିବା ପାଇଁ ଲାଇସେନ୍ସ ଆବେଦନ କରିଥିବା ଜଣାପଡିଛି । ଜୁନ ୫ରେ ସଲମାନ ଏବଂ ତାଙ୍କ ବାପା ସଲୀମ ଖାଁଙ୍କୁ ବାନ୍ଦ୍ରାରେ ଧମକପୂର୍ଣ୍ଣ ଚିଠି ମିଳିଥିଲା । ପୂର୍ବରୁ କୃଷ୍ଣସାର ମୃଗ ମାମଲାରେ ଲରେନ୍ସ ବିଶ୍ନୋଇ ଗ୍ରୁପ ଖୋଲାଖୋଲି ଭାବେ ତାଙ୍କୁ ହତ୍ୟା କରିବେ ବୋଲି କହିଥିଲେ । ବିଶ୍ନୋଇ ସମ୍ପ୍ରଦାୟର ବ୍ୟକ୍ତିଙ୍କ ପାଇଁ କୃଷ୍ଣସାର ମୃଗ ଭଗବାନ ସଦୃଶ । ସେଥିନେଇ ସେମାନେ ସଲମାନଙ୍କ ଉପରେ ରାଗି କରି ଅଛନ୍ତି । ମହାରାଷ୍ଟ୍ର ସରକାର ଏବେ ୫୬ ବର୍ଷୀୟ ସଲମାନଙ୍କୁ ସୁରକ୍ଷା ଯୋଗାଉଛି ।
Comments are closed.