ନୂଆଦିଲ୍ଲୀ: ଉତ୍ତରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ତଥା ସମାଜବାଦୀ ପାର୍ଟିର ପ୍ରତିଷ୍ଠାତା ମୁଲାୟମ ସିଂହ ଯାଦବ କରୋନା ସଂକ୍ରମିତ । ସେ ପଜିଟିଭ୍ ଚିହ୍ନଟ ହୋଇଛନ୍ତି । ଏବେ ସେ ଡାକ୍ତରଙ୍କ ତତ୍ତ୍ୱାବଧାନରେ ଅଛନ୍ତି । ଏନେଇ ସମାଜବାଦୀ ପାର୍ଟି ପକ୍ଷରୁ ସୂଚନା ଦିଆଯାଇଛି ।
समाजवादी पार्टी संस्थापक आदरणीय नेताजी श्री मुलायम सिंह यादव जी की कोरोना टेस्ट रिपोर्ट पॉजिटिव आने के उपरांत चिकित्सकों की देख रेख जारी है।
फिलहाल उनमें कोरोना के एक भी लक्षण नहीं हैं।
— Samajwadi Party (@samajwadiparty) October 14, 2020
ମୁଲାୟମ୍ ସିଂହ ଯାଦବଙ୍କ ପାଖରେ କରୋନା ଲକ୍ଷଣ ନଥଲା । ତେବେ ତାଙ୍କ ପତ୍ନୀ ସାଧନା ଗୁପ୍ତା ସଂକ୍ରମିତ ହୋଇଛନ୍ତି । ନିଶ୍ୱାସ ପ୍ରଶ୍ୱାସ ନେବାରେ କଷ୍ଟ ଅନୁଭବ କରିବାରୁ କୋଭିଡ୍ ଟେଷ୍ଟ କରାଇଥିଲେ ସାଧନା । ଏହାପରେ ମୁଲାୟମ ସିଂହ ଯାଦବ ଓ ସାଧନା ଗୁପ୍ତା ଗୁରୁଗ୍ରାମ ମେଦାନ୍ତ ହସ୍ପିଟାଲରେ ଭର୍ତ୍ତି ହୋଇଛନ୍ତି ।
୮୦ ବର୍ଷୀୟ ମୁଲାୟମ ସିଂହ ଯାଦବଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ଥିବା ସୂଚନା ଦେଇଛନ୍ତି ତାଙ୍କ ପୁଅ ତଥା ସମାଜବାଦୀ ପାର୍ଟି ସଭାପତି ଅଖିଳେଶ ଯାଦବ । ବରିଷ୍ଠ ଡାକ୍ତର ସ୍ୱାସ୍ଥ୍ୟସେବାରେ ଲାଗିଛନ୍ତି ।