ମୁମ୍ବାଇ: ୨୦୨୧ ମସିହାରେ ମୁକ୍ତିଲାଭ କରିଥିବା ‘ପୁଷ୍ପା’ ଫିଲ୍ମର ‘ଉଃ ଅଣ୍ଟବା’ ଗୀତ ହିଟ୍ ହୋଇଥିଲା । ଏହି ଗୀତକୁ ଲୋକେ ଅଧିକମାତ୍ରାରେ ପସନ୍ଦ କରିଥିଲେ । ଏଥିରେ ସାମନ୍ଥା ରୁଥ୍ ପ୍ରଭୁଙ୍କ ଅଙ୍ଗଭଙ୍ଗୀ ଦର୍ଶକଙ୍କ ମନକୁ ବି ଛୁଇଁଥିଲା । ନିଜର ପ୍ରଥମ ଆଇଟମ୍ ଗୀତରେ ସାମନ୍ଥା ଏତେ ଲୋକପ୍ରିୟତା ପାଇବେ ବୋଲି କେବେ ବି ଭାବି ନ ଥିଲେ । ତାଙ୍କୁ ରାତାରାତି ସୁପରଷ୍ଟାର ବନାଇ ଦେଇଥିଲା ଏହି ଗୀତ ।
ଏବେ ‘ପୁଷ୍ପା-୨’ ରେ ମଧ୍ୟ ସାମନ୍ଥାଙ୍କ ନୃତ୍ୟର ଯାଦୁ ଦେଖିବାକୁ ମିଳିବ ବୋଲି ଦର୍ଶକେ ଆଶା କରିିଥିଲେ । କିନ୍ତୁ ପୁଣି ଏକ ଆଇଟମ୍ ଗୀତରେ ନୃତ୍ୟ କରିବାକୁ ସାମନ୍ଥା ରୋକଠୋକ୍ ମନା କରିଦେଇଛନ୍ତି । ଏମିତି କି ମାତ୍ର ୩ ମିନିିଟ୍ର ନୃତ୍ୟ ପ୍ରଦର୍ଶନ ଲାଗି ତାଙ୍କୁ ୫ କୋଟି ଟଙ୍କା ଯଚା ଯାଇଥିଲେ ବି ସେ ତାକୁ ପ୍ରତ୍ୟାଖାନ କରି ଦେଇଛନ୍ତି । ତଥାପି ଏହାର ନିର୍ଦେଶକ ସୁକୁମାର ତାଙ୍କୁ ରାଜି କରାଇବା ପ୍ରଚେଷ୍ଟା ଜାରି ରଖିଥିବା ଜଣାଯାଇଛି । ‘ପୁଷ୍ପା ୨’ ଚଳିତ ବର୍ଷ ଶେଷ ଆଡ଼କୁ ମୁକ୍ତିଲାଭ କରିବ । ଏଥିରେ ଆଲ୍ଲୁ ଅର୍ଜୁନ ଓ ରଶ୍ମିକା ମନ୍ଦାନ୍ନାଙ୍କ ସମେତ ଅନ୍ୟାନ୍ୟ ଦକ୍ଷିଣ ଭାରତୀୟ କଳାକାରଙ୍କୁ ପୁଣି ଦେଖିବାକୁ ମିଳିବ ।
Comments are closed.