ସମ୍ବଲପୁୁର: ସମ୍ବଲପୁର ସାଂସଦ ନୀତେଶ ଗଙ୍ଗଦେବ ବିଜେପିରୁ ଇସ୍ତଫା ଦେଇଛନ୍ତି। ଚଳିତଥର ତାଙ୍କ ଆସନରେ ଦଳ ପ୍ରାର୍ଥୀ ପରିବର୍ତ୍ତନ କରି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ପ୍ରାର୍ଥୀ କରିଛି। ନିକଟରେ ତାଙ୍କ ପତ୍ନୀ ଓ ପୁଅ ବିଜେଡିରେ ଯୋଗଦେଇଥିଲେ। ଏହାପରେ ସେ ବିଜେପିରୁ ଇସ୍ତଫା ଦେଇଛନ୍ତି ବୋଲି କିଛି ଗଣମାଧ୍ୟମରେ ଏଭଳି ଚର୍ଚ୍ଚା ହେଉଥିଲା।
କିନ୍ତୁ ଏହାକୁ ଖାରଜ କରିଛନ୍ତି ସାଂସଦ। ସେ ଏବେ ବି ବିଜେପିରେ ଅଛନ୍ତି। ଇସ୍ତଫା ଦେଇଥିବା ନେଇ ଏକ ଫେସବୁକ୍ ପୋଷ୍ଟ ଭାଇରାଲ୍ ହେବାର କିଛି ଘଣ୍ଟା ପରେ ସମ୍ବଲପୁର ସାଂସଦ ନିତେଶ ଗଙ୍ଗା ଦେବ ସ୍ପଷ୍ଟ କରିଛନ୍ତି ଯେ ସେ ବିଜେପି ସହ ଅଛନ୍ତି।
ତାଙ୍କ ଫେସ୍ ବୁକ୍ ହ୍ୟାକ୍ ହୋଇଛି ଏବଂ ସେ ଦେବଗଡ଼ରେ ଦଳ ପାଇଁ ପ୍ରଚାର କରିବାକୁ ଇଚ୍ଛୁକ ଥିବା ବେଳେ ସେଠାରୁ ତାଙ୍କ ପତ୍ନୀ ଅରୁନ୍ଧତୀ କୁମାରୀ ଦେବୀ ବିଜେଡିର ବିଧାୟକ ପ୍ରାର୍ଥୀ ଭାବେ ନିର୍ବାଚନ ଲଢୁଛନ୍ତି।
ତାଙ୍କ ବିଜେପି ଛାଡିବା ନିଷ୍ପତ୍ତିର କାରଣ ଏହି ଫେସବୁକ ପୋଷ୍ଟରେ ଦର୍ଶାଯାଇଛି। ସ୍ୱାସ୍ଥ୍ୟାବସ୍ଥା ଖରାପ ଥିବାରୁ ସକ୍ରିୟ ରାଜନୀତିରୁ ବିରତି ନେଉଛି ଏବଂ ଇସ୍ତଫା ଦେଉଛି। ବାମରା ରାଜପରିବାରର ଗଙ୍ଗ ଦେବ ତାଙ୍କ ପତ୍ନୀଙ୍କ ପାଇଁ ଦେବଗଡ଼ ବିଧାନସଭା ନିର୍ବାଚନ ମଣ୍ଡଳୀର ଲୋକଙ୍କ ସମର୍ଥନ ଲୋଡ଼ିଛନ୍ତି।
ସମ୍ବଲପୁର ସାଂସଦ ନିତେଶ ଗଙ୍ଗ ଦେବଙ୍କ ପତ୍ନୀ ଅରୁନ୍ଧତୀ ଦେବୀ ବିଜେଡିରେ ସାମିଲ ହେବା ପରେ ତାଙ୍କୁ ଦେବଗଡର ବିଧାୟକ ପ୍ରାର୍ଥୀ କରିଛି ବିଜେଡି । ଯେଉଁ ଆସନରୁ ଏବେର କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଥରେ ବିଧାନସଭାକୁ ନିର୍ବାଚିତ ହୋଇଥିଲେ।