ଭୁବନେଶ୍ୱର: ପ୍ରଶଂସା ସାଉଁଟିବାକୁ ଯାଇ ଫସିଗଲେ ସମ୍ବିତ ପାତ୍ର । ନେତା ହେଲେ ବି ସେ ଜଣେ ସାଧାରଣ ଜନତା। ଏହା ପ୍ରମାଣ କରିବାକୁ ଯାଇ ଏବେ ଜନତାଙ୍କ ଆକ୍ରୋଶର ଶିକାର ହୋଇଛନ୍ତି । ନିଜ ଟୁଇଟର ପେଜରେ ନିଜେ ସେୟାର କରିଥିବା ଏକ ଫଟୋକୁ ନେଇ ଖୁବ ଟ୍ରୋଲ ହୋଇଛନ୍ତି ସମ୍ବିତ ।
ବିଜେପି ଜାତୀୟ ମୁଖପାତ୍ର ସମ୍ବିତ ପାତ୍ର ସବୁବେଳେ ନିଜକୁ ଚର୍ଚ୍ଚାରେ ରଖିଥାନ୍ତି । କେତେବେଳେ କଟ୍ଟର ହିନ୍ଦୁତ୍ୱକୁ ନେଇ ଚର୍ଚ୍ଚାରେ ଥାଆନ୍ତି । କେତେବେଳେ ଗାଁ ଗହଳିରେ କାହାଘରେ ପଖାଳ ଖାଇ ତ ପୁଣି କେତେବେଳେ ଗାଁ ପୋଖରୀରେ ଗୋଧୋଇ ପ୍ରଶଂସା ସାଉଁଟିଥାନ୍ତି । ହେଲେ ନିକଟରେ ସମ୍ବିତ ପାତ୍ର ନିଜ ଟୁଇଟର ପେଜରେ ଏକ ଫଟୋ ସେୟାର କରି ଫସି ଯାଇଛନ୍ତି । ଅବଶ୍ୟ ଖୁବ ସକାରାତ୍ମକ ଭାବ ନେଇ ଶ୍ରୀ ପାତ୍ର ଫଟୋଟିକୁ ସେୟାର କରିଥିଲେ । ହେଲେ ଏହା ଏବେ ତାଙ୍କ ପାଇଁ ବୁମେରାଂ ହେଲା ପରି ମନେ ହେଉଛି ।
ଗତ ୧୭ ତାରିଖ ଶ୍ରୀ ପାତ୍ର ତାଙ୍କ ଟୁଇଟରରେ ଏକ ଫଟୋ ସେୟାର କରିଥିଲେ । ଏଥିରେ ସେ ଲେଖିଥିଲେ ‘ଆଜି ରଣପୁର ବିଧାନସଭା ଅନ୍ତର୍ଗତ ବନ୍ଧମୁଣ୍ଡା ପଞ୍ଚାୟତର ଜାମୁଗଣ୍ଡ ଗ୍ରାମ ପରିଦର୍ଶନ କରିବା ସମୟରେ ଜଣେ ଭଉଣୀଙ୍କ ଘରେ ପଖାଳ ଭୋଜନ କଲି l ଓଡ଼ିଆ ଜନଜୀବନ ସହିତ ପଖାଳର ସମ୍ପର୍କ ବହୁ ନିବିଡ଼ ଓ ପୁରାତନ। ଓଡ଼ିଆ ପ୍ରାଣର ପ୍ରତୀକ ହେଉଛି ପଖାଳ।’
ମାର୍ମିକ ଭାଷାରେ ସେ ଆହୁରି ଲେଖିଥିଲେ, ଆମ ଓଡ଼ିଆାଙ୍କ ପାଇଁ ପଖାଳ କୌଣସି ପ୍ରସାଦଠାରୁ କମ ନୁହେଁ । ପୁରୀ ବନ୍ଧମୁଣ୍ଡା ପଞ୍ଚାୟତର ଏକ ଆଦିବାସୀ ସଂପ୍ରଦାୟର ଘରକୁ ଯାଇ ତାଙ୍କ ପରିବାର ଲୋକଙ୍କୁ ଭେଟି ସେଠାରେ ପଖାଳ ସ୍ୱାଦର ଆନନ୍ଦ ଅନୁଭବ କଲି । ପରିବାର ଲୋକଙ୍କଠାରୁ ମିଳିଥିବା ସ୍ନେହ ଏବଂ ପଖାଳର ସ୍ୱାଦ ଅଦ୍ଭୁତ ।’
ଏପରି ମନଛୁଆଁ ଲେଖା ସହ ଶ୍ରୀ ପାତ୍ର କିଛି ଫଟୋ ସେୟାର କରିଥିଲେ । ଶ୍ରୀ ପାତ୍ର ପଖାଳ ଭୋଜନ କରୁଥିବାବେଳେ ଚାରିପାଖେ ବିଭିନ୍ନ ପ୍ରକାରର ତରକାରୀ ରଖାଯାଇଛି । ପାଖରେ ତିନି ଜଣ କୁନି କୁନି ଝିଅ ବସିଛନ୍ତି ଯେଉଁମାନେ କି ନୀରିହ ଦୃଷ୍ଟିରେ ଚାହିଁଛନ୍ତି । ଏହି ଚାହାଣୀ ଅନେକ କଥା କହୁଛି ।
ଏହାକୁ ନେଇ ୟୁଜର୍ସମାନେ ଖୁବ ଟ୍ରୋଲ କରିଛନ୍ତି ସମ୍ବିତଙ୍କୁ । ଏକ ଆଦିବାସୀ ପରିବାରେ ଭାତ ସାଙ୍ଗକୁ ଲୁଣ ବା ପିଆଜ ଟିକିଏ ମିଳିଲେ ଖୁସି କାହିଁରେ କ’ଣ । ହେଲେ ଏଠି ପଖାଳ କଂସା ପାଖରେ ଏତେ ପ୍ରକାର ତରକାରୀ ଦେଖି ସେଇ କୁନି କୁନି ଶିଶୁଙ୍କ ମନରେ କି ଭାବନା ଆସୁ୍ଥିବ ସହଜେ ଅନୁମେୟ । ଖାଲି ସେତିକି ନୁହେଁ, ଅଧିକାଂଶ ୟୁଜର୍ସ ତାଙ୍କର ଏହି କୁନିପିଲାଙ୍କ ଗହଣରେ ଏକା ଏକା ଖାଇବାକୁ ଆଦୌ ପସନ୍ଦ କରିନାହାନ୍ତି ।
ସମ୍ବିତଙ୍କର ଏହି ଫଟୋକୁ ସୁପ୍ରିମକୋର୍ଟ ଲୟାର ପ୍ରଶାନ୍ତ ଭୂଷଣ ସେୟାର କରି ଲେଖିଛନ୍ତି ‘ଆରେ ଇଏ ତ ସବୁ ଏକା ଏକା ଖାଇ ଦେଉଛନ୍ତି ।’ ସେହିପରି ଅନ୍ୟ ୟୁଜର୍ସମାନେ ମଧ୍ୟ ସମ୍ବିତଙ୍କୁ ଖୁବ କଡା ଭାଷାରେ ସମାଲୋଚନା କରିଛନ୍ତି।
ସୂଚନାଥାଉ କି, ଗତ ନିର୍ବାଚନରେ ପୁରୀ ସଂସଦୀୟ କ୍ଷେତ୍ରରୁ ଲଢି ବିଜେଡି ପ୍ରାର୍ଥୀ ପିନାକୀ ମିଶ୍ରଙ୍କଠାରୁ ହାରିଥିଲେ ସମ୍ବିତ ପାତ୍ର । ଏହା ଭିତରେ ସେ ଶ୍ରୀ ପାତ୍ର ନିୟମିତ ନିଜ ନିର୍ବାଚନ ମଣ୍ଡଳୀ ଯାଆନ୍ତି ଏବଂ ଲୋକମାନଙ୍କ ସହ ନିଜକୁ ଜଡିତ ରଖିଥାନ୍ତି ।
ଆଜି ରଣପୁର ବିଧାନସଭା ଅନ୍ତର୍ଗତ ବନ୍ଧମୁଣ୍ଡା ପଞ୍ଚାୟତର ଜାମୁଗଣ୍ଡ ଗ୍ରାମ ପରିଦର୍ଶନ କରିବା ସମୟରେ ଜଣେ ଭଉଣୀଙ୍କ ଘରେ ପଖାଳ ଭୋଜନ କଲି l
ଓଡ଼ିଆ ଜନଜୀବନ ସହିତ ପଖାଳର ସମ୍ପର୍କ ବହୁ ନିବିଡ଼ ଓ ପୁରାତନ। ଓଡ଼ିଆ ପ୍ରାଣର ପ୍ରତୀକ ହେଉଛି ପଖାଳ।
हम ओड़िशा वासियों के लिये पखाल किसी प्रसाद से कम नहीं है। पुरी के बंधामुण्डा… pic.twitter.com/AoLKZDFYyE
— Sambit Patra (@sambitswaraj) April 17, 2023
Comments are closed.